जगभरातील टॉप 50 कंपनींमध्ये रिलायन्स समूह, मार्केट कॅप 13 लाख कोटींच्या पलीकडे

जगभरातील टॉप 50 कंपनींमध्ये रिलायन्स समूह, मार्केट कॅप 13 लाख कोटींच्या पलीकडे

देशातील सर्वात मोठी कंपनी रिलायन्स इंडस्ट्रीज लिमिटेड (Reliance Industries Limited) आता जगातील 50 सर्वाधिक मूल्यवान कंपन्यांच्या (50 Most Valued Companies) यादीत दाखल झाली आहे.

  • Share this:

नवी दिल्ली, 24 जुलै : बाजार भांडवलाच्या बाबतीत देशातील सर्वात मोठी कंपनी रिलायन्स इंडस्ट्रीज लिमिटेड (Reliance Industries Limited) आता जगातील 50 सर्वाधिक मूल्यवान कंपन्यांच्या (50 Most Valued Companies) यादीत दाखल झाली आहे. तसेच रिलायन्स समूह (RIL Market Cap) ही आता 13 लाख कोटी रुपये बाजार भांडवल असलेली भारतातील पहिली कंपनी बनली आहे. तेलापासून ते टेलिकॉम क्षेत्रापर्यंत, आरआयएल जगातील सर्वाधिक मूल्यवान 50 कंपन्यांच्या यादीत 48 व्या स्थानावर आहे. या यादीमध्ये सौदी अरामको (Saudi Aramco)  सर्वात उच्च स्थानावर आहे. या कंपनीचा एकूण मार्केट कॅप 1.7 लाख कोटी डॉलर इतका आहे. यानंतर अॅपल,मायक्रोसॉफ्ट, अॅमेझॉन इंक आणि अल्फाबेट या दिग्गज कंपन्या आहेत

रेकॉर्ड स्तरावर आहेत रिलायन्स समूहाचे शेअर्स

गुरुवारी दिवसभराच्या कारभारानंतर बॉम्बे स्टॉक एक्सचेंजवर (BSE) आरआयएलचा शेअर 3.59 टक्क्यांनी वाढून 2,076 रुपये प्रति शेअर झाला आहे. यानंतर कंपनीचा एकूण मार्केट कॅप 13 लाख कोटींच्या पलीकडे गेला आहे.

(हे वाचा-Amazon Prime Day 2020 Sale : स्वस्तात मिळणार 'हे' महागडे स्मार्टफोन)

हा स्तर पार करणारा रिलायन्स समूह ही भारतातील पहिली कंपनी आहे. नुकतच राइट्स इश्यू अंतर्गत (RIL Rights Issue) जारी करण्यात आलेल्या शेअर्सना देखील यामध्ये जोडले तर रिलायन्स समूहाची मार्केट कॅप 13.5 लाख कोटी होते. आतापर्यंत अशी कोणतीही भारतीय कंपनी आली नाही जिची बाजारपेठ या पातळीवर गेली असेल.

या दिग्गज कंपन्या रिलायन्सपेक्षा मागे

शेव्हरॉन कॉर्पोरेशन, ओरेकल, यूनिलिव्हर, बँक ऑफ चायना, बीएचपी ग्रृप, रॉयल डच शेल आणि सॉफ्टबँक यांसारख्या दिग्गज कंपन्यांपेक्षा रिलायन्स समूहाची मार्केट कॅप जास्त आहे.

टॉप 100च्या यादीत TCS देखील समाविष्ट

आशिया खंडातील सर्वाधिक मार्केट कॅप असलेल्या कंपन्यांच्या यादीत रिलायन्सचा दहावा क्रमांक आहे. जागतिक पातळीवर चीनचा अलिबाबा ग्रृप 7व्या स्थानावर आहे. जगातील 100 मूल्यवान कंपन्यांच्या यादीत टाटा कन्सल्टन्सी सर्व्हिसेस (टीसीएस) देखील समाविष्ट आहे. बीएसई वर टीसीएसच्या एका शेअरची किंमत 2,170.75 रुपये आहे. सध्या टीसीएसकडे 109 अब्ज डॉलर किंवा 8.14 लाख कोटी रुपयांची मार्केट कॅप आहे.

Published by: Janhavi Bhatkar
First published: July 24, 2020, 8:25 AM IST

ताज्या बातम्या