)
मुंबई, 18 फेब्रुवारी: देशातील एक महत्त्वाची सरकारी बँक असणारी पंजाब नॅशनल बँक (PNB) त्यांच्या ग्राहकांना सुरक्षित गुंतवणूक करता यावी आणि त्यांचे आर्थिक टेन्शन कमी व्हावे याकरता विविध योजना राबवत असते. पीएनबीकडून नॅशनल पेन्शन स्कीम (NPS National Pension System)ही योजना देखील ग्राहकांसाठी उपलब्ध आहे. जर तुम्ही या योजनेत ठराविक गुंतवणूक केली तर तुम्हाला रिटायरमेंटवेळी एकरकमी 68 लाख रुपये मिळतील. पंजाब नॅशनल बँकेने ट्वीट करत या स्कीमबाबत माहिती दिली आहे. एनपीएसमध्ये पैसे गुंतवून तुम्ही निवृत्तीनंतरही टेन्शन फ्री आयुष्य जगू शकता. -यामध्ये आकर्षक मार्केट लिंक्ड रिटर्न मिळेल -हा पेन्शन फंड्स आणि इन्व्हेस्टमेंटचा पर्याय आहे -यामध्ये गुंतवणुकीवर सेक्शन 80CCD (1B) अंतर्गत 50,000 रुपयांची अतिरिक्त टॅक्स सूट मिळते - ही सूट 80 C अंतर्गत मिळणाऱ्या 1.50 लाख रुपयांच्या सवलतीव्यतिरिक्त आहे.
Invest in your happiness with #NPS!
— Punjab National Bank (@pnbindia) February 16, 2021
Open an NPS account through #PNB & get better returns. Know more: https://t.co/4F460VYYlH pic.twitter.com/1oCKH0ZvYk
कुणाला करता येईल गुंतवणूक? नॅशनल पेन्शन सिस्टममध्ये 18 ते 60 वर्ष वयापर्यंत गुंतवणूक करता येते. देशातील जवळपास सर्व सरकारी आणि खाजगी बँकांमध्ये या योजनेत खाते उघडता येईल. मॅच्युरिटीआधीही काढता येईल रक्कम एनपीएस योजनेमध्ये तुम्ही काही परिस्थितींमध्ये प्री-मॅच्युअर देखील पैसे काढू शकता. जर तुम्ही एखादा व्यवसाय सुरू करणार असाल किंवा घर खरेदी करण्याचा विचार असेल तर तुम्ही पैसे आधी काढू शकता. याशिवाय लग्न, मुलांचं शिक्षण आणि लिस्टेट आजारपणासाठी देखील पैसे काढू शकता. काय आहे नॅशनल पेन्शन स्कीम? नॅशनल पेन्शन स्कीम एक सरकारी रिटायमेंट फंड योजना आहे. 2004 मध्ये केंद्र सरकारने ही योजना लाँच केली होती. 2009 मध्ये ही योजना खाजगी क्षेत्रात काम करणाऱ्यांसाठी देखील लागू करण्यात आली. कसे मिळतील 68 लाख रुपये? जर तुम्ही 30 वर्षांसाठी दरमहा 5000 रुपयांची गुंतवणूक केलीत तर तीस वर्षात तुमचे एकूण योगदान 18 लाख रुपये होईल. त्यामुळे जर या गुंतवणुकीवर तुम्हाला 10 टक्के दराने रिटर्न मिळाला तर मॅच्युरिटीवेळी मिळणारी एकूण रक्कम 1.13 कोटी असेल. » अॅन्युइटी खरेदी - 40 टक्के » अनुमानित अॅन्युइटी रेट - 8% » टॅक्स फ्री विड्रॉल- मॅच्युरिटी रकमेच्या 60% » वयाच्या 60 व्या वर्षी निवृत्तीवेतन - दरमहा 30,391 रुपये » एकरकमी रोख - 68.37 लाख रुपये https://www.pnbindia.in/nps.html या वेबसाइटला भेट देऊन तुम्ही स्कीमविषयी अधिक माहिती मिळवू शकता.
+6
फोटो
