)
मुंबई, 11 फेब्रुवारी : नवीन वर्षात दीड महिन्यातच अनेक स्टॉक्स समोर आले आहेत, ज्यांनी त्यांच्या गुंतवणूकदारांना (Investors) दुप्पट म्हणजेच 100 टक्क्यांपेक्षा जास्त परतावा दिला आहे. शेअर बाजाराच्या (Share Market) भाषेत अशा शेअर्सना मल्टीबॅगर शेअर्स (Multibagger Share) म्हणतात. 2022 वर्षातील मल्टीबॅगर स्टॉकच्या यादीत असेच एक नाव IT कंपनी Magellanic Cloud चे आहे. मॅगेलेनिक क्लाउड शेअर्स 1 जानेवारी 2022 रोजी NSE वर 75.45 रुपयांवर होते, जे आता शुक्रवार, 11 फेब्रुवारी रोजी 294.70 रुपयांवर पोहोचले. अशा प्रकारे, या शेअरने 2022 च्या सुरुवातीपासून आपल्या गुंतवणूकदारांना सुमारे 290 टक्के परतावा दिला आहे. त्याचप्रमाणे, गेल्या तीन महिन्यांच्या परताव्यावर नजर टाकली तर, या कालावधीत त्याच्या शेअरची किंमत 38.90 रुपयांवरून सुमारे 600 टक्क्यांनी वाढली आहे. Cryptocurrency वर Tax लावला म्हणजे वैध झाली असे नाही, निर्मला सीतारामन यांचं मोठं वक्तव्य Magellanic Cloud शेअर प्राईज हिस्ट्री मॅगेलॅनिक क्लाउडचे शेअर्स गेल्या एका आठवड्यात 21.50 रुपयांनी वधारले आहेत आणि या काळात पाचही ट्रेडिंग सत्रांमध्ये तो अपर सर्किटमध्ये आहे. दुसरीकडे, जर आपण गेल्या एका महिन्याबद्दल बोललो, तर त्याची किंमत 101 रुपयांवरून 294.70 रुपयांपर्यंत वाढली आहे आणि या काळात त्याने आपल्या गुंतवणूकदारांना सुमारे 190 टक्के परतावा दिला आहे. मॅगेलॅनिक क्लाउडचे शेअर्स यावर्षी 290 टक्के आणि गेल्या तीन महिन्यांत 600 टक्के वाढले आहेत. गुंतवणुकीवर परतावा जर आपण शेअरच्या किंमतीवरून अंदाज लावला तर, जर एखाद्या गुंतवणूकदाराने आठवड्याभरापूर्वी या स्टॉकमध्ये 1 लाख रुपये गुंतवले असते, तर त्याची गुंतवणूक आज 1.21 लाख रुपये झाली असती. दुसरीकडे, जर एखाद्या गुंतवणूकदाराने महिनाभरापूर्वी त्यात 1 लाख रुपये गुंतवले असते, तर त्याची गुंतवणूक आज 2.90 लाख रुपये झाली असती. त्याचप्रमाणे एखाद्या गुंतवणूकदाराने नवीन वर्षात यामध्ये 1 लाख रुपये गुंतवले असते, तर त्याचे 1 लाख रुपये आज 3.90 लाख रुपये झाले असते. त्याचवेळी ज्या गुंतवणूकदाराकडे 3 महिन्यांपूर्वी या शेअरमध्ये एक लाख रुपये होते, त्यांचे पैसे आज 7 लाख रुपये झाले असतील. PolicyBazaar च्या शेअरमध्ये 10 टक्क्यांपर्यंत घसरण; तज्ज्ञांच्या मते ही खरेदीची संधी स्टॉक्सबद्दल अधिक जाणून घ्या Magellanic Cloud ही स्मॉल-कॅप IT फर्म असून तिचे बाजार भांडवल (Market Cap) 741 कोटी आहे. सध्‍या ते लाइफ टाईम हायवर ट्रेडिंग करत आहे, तर 52 आठवड्यांचा नीचांक 37.25 रुपये आहे. स्टॉकचा P/E रेश्यो 22 च्या वर आहे, तर त्याचा लाभांश (Dividend) उत्पन्न 0.17 टक्के आहे. या मल्टीबॅगर स्टॉकची बूक वॅल्यू 21.24 आहे.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
