FD करण्याआधी 'या' गोष्टी लक्षात ठेवा; तुमची भविष्यातील ध्येय गाठणे सोपं होईल

मुंबई, 8 फेब्रुवारी : फिक्स्ड डिपॉझिट (Fixed Deposit) म्हणजेच FD हा बऱ्याच काळापासून सर्वात पसंतीचा गुंतवणूक पर्याय मानला जात आहे. साधारणपणे, लोक घर बांधणे, कार खरेदी करणे, लग्न आणि उच्च शिक्षण यासारखी आर्थिक उद्दिष्टे पूर्ण करण्यासाठी FD मध्ये गुंतवणूक करतात. याशिवाय निवृत्तीनंतरच्या खर्चासाठी एफडीमध्ये गुंतवणूक (FD Investment) करणेही चांगले मानले जाते. एफडी खाते उघडण्यापूर्वी, गुंतवणूकदारांनी या 4 गोष्टी लक्षात ठेवाव्यात, जेणेकरून आर्थिक उद्दिष्टे सहज साध्य करता येतील. किती कालावधीसाठी FD करावी लागेल? FD करण्यापूर्वी, तुम्हाला कार्यकाळ निश्चित करणे आवश्यक आहे, कारण जर तुम्ही मुदतपूर्तीपूर्वी तुमची FD मोडली तर काही रक्कम दंडाच्या स्वरूपात भरावी लागेल. यासोबतच तुम्हाला ठेवीवर मिळणारा नफाही कमी होतो. त्यामुळे प्रथम तुम्ही तुमच्या FD चे पैसे किती काळ सोडू शकता ते ठरवा. एफडीचा कालावधी (FD Term Period) तुम्ही तुमच्या गरजेनुसार FD करू शकता. जर तुमच्याकडे आता गरजेपेक्षा जास्त पैसे असतील आणि तुम्हाला असे वाटत असेल की तुम्हाला 5 किंवा 10 वर्षांनी या पैशांची गरज असेल, तर तुम्ही त्याच वेळेसाठी FD मिळवू शकता. 10 वर्षांच्या FD वर परतावा एक वर्षाच्या FD पेक्षा खूप जास्त असेल. त्यामुळे तुम्ही तुमच्या गरजेनुसार FD चा कालावधी निवडू शकता. शेअर बाजारात अस्थिरतेदरम्यान ब्रोकरेज फर्मची काही शेअर्सची शिफारस, चेक करा टार्गेट प्राईज FD वर मिळणारा व्याजदर तपासा एफडी करण्यात हा सर्वात मोठा घटक आहे, ज्यावर प्रत्येकजण लक्ष ठेवतो. RBI वेळोवेळी व्याजदर बदलत असते. तसेच, FD चे व्याजदर देखील वेगवेगळ्या कालावधीसाठी वेगवेगळे असतात. एवढेच नाही तर FD वर सर्व बँकांचे व्याजदर देखील वेगवेगळे असू शकतात. अशा परिस्थितीत, एफडी करताना, तुम्हाला विशेषतः हे लक्षात ठेवावे लागेल की कोणत्या बँकेकडून आणि किती काळासाठी एफडीचा अधिक फायदा मिळेल. Adani Wilmar चे शेअर साधारण लिस्टिंगनंतर मजबूत स्थितीत, गुंतवणूकदारांना आता काय करावं? कर्जाची सुविधा आहे की नाही? जरी FD असलेले बहुतेक लोक त्यावर कर्ज घेण्याचा विचार करत नाहीत, परंतु जेव्हा पैशाची गरज भासते तेव्हा इतर पर्यायांपेक्षा त्यावर कर्ज घेणे सोपे आणि किफायतशीर होईल. या अंतर्गत, FD च्या एकूण रकमेच्या 75 टक्क्यांपर्यंत कर्ज घेता येते आणि FD च्या व्याजदरापेक्षा 2 टक्के जास्त दराने त्यावर व्याज द्यावे लागेल. या कर्जाची मुदत एफडीच्या कालावधीइतकी आहे. त्यामुळे, जर तुम्ही 10 वर्षांची FD घेतली आणि दुसऱ्या वर्षी कर्जासाठी अर्ज केला, तर तुमच्याकडे कर्ज फेडण्यासाठी आठ वर्षे असतील.

• Follow us on