जिओ ट्रू 5G चं जाळं विस्तारलं; देशभरातल्या आणखी 50 शहरांमध्ये आजपासून जिओची 5G सेवा सुरू!

मुंबई : 50 शहरांमध्ये आज (24 जानेवारी 2023) या सेवेचा शुभारंभ करण्यात आला. आता जिओ 5G नेटवर्क गोवा, हरियाणा आणि पुदुच्चेरी या 3 नव्या राज्यांमध्ये पोहोचलं आहे. लोकसभेचे अध्यक्ष ओम बिर्ला यांच्या हस्ते आज कोटामध्ये या सेवेचा शुभारंभ होणार आहे, तर हरियाणाचे गृहमंत्री अनिल वीज यांच्या हस्ते हरियाणा सर्कलमधल्या 5G नेटवर्क सेवेचं उद्घाटन होणार आहे. यापैकी बहुतांश शहरांमध्ये 5G नेटवर्क सुरू करणारी जिओ ही पहिली व एकमेव कंपनी आहे.

या शहरांमधल्या ग्राहकांना जिओकडून वेलकम ऑफर देण्यात आली आहे. त्या ग्राहकांना आजपासून कोणत्याही अतिरिक्त शुल्काशिवाय 1 Gbps पेक्षा अधिक स्पीडने अनलिमिटेड डेटा उपलब्ध होईल. “देशातल्या 17 राज्यं व केंद्रशासित प्रदेशांमधल्या 50 शहरांमध्ये जिओची 5G सेवा आजपासून सुरू होतेय. त्यामुळे आता देशभरातल्या एकूण 184 शहरांमध्ये ही सेवा उपलब्ध आहे. 5G नेटवर्कच्या विस्ताराचं हे देशातलंच नाही, तर जगभरातलंही एकमेव उदाहरण असेल,” असं जिओच्या प्रवक्त्यांकडून सांगण्यात आलं.

घरात किती कॅश ठेवणे योग्य? काय आहे लिमिट? जाणून घ्या Income Tax विभागाचे नियम