)
नवी दिल्ली, 20 ऑगस्ट: ग्लोबल अॅडव्हायझरी फर्म गार्टनरने गुरुवारी अशी माहिती दिली आहे की, माहिती तंत्रज्ञान क्षेत्रासाठी (IT Sector) सरकारी (Indian government news) खर्च 2022 मध्ये 8.6 टक्क्यांनी वाढण्याचा अंदाज (Indian government IT expenditure) आहे. चालू 2021 या वर्षात आयटी क्षेत्रासाठी 13.2 टक्के वाढ अपेक्षित आहे. गार्टनरमधील वरिष्ठ संशोधन विश्लेषक अपेक्षा कौशिक यांनी अशी माहिती दिली आहे की, ‘जागतिक महामारीमुळे 2020 मध्ये भारत सरकारच्या संस्थांना डिजिटल करण्याच्या पुढाकाराने मोठी झेप घेतली. साथीच्या आजाराने सरकारला त्यांचे प्राधान्यक्रम बदलण्यास भाग पाडले आहे.’ त्यांनी अशी माहिती दिली आहे की, देशभरात लसीकरणाचा दर वाढल्याने सार्वजनिक आरोग्य सुधारत आहे आणि सरकार डिजिटायझेशनच्या (Digitization in India) प्रयत्नांवर लक्ष केंद्रित करत राहतील. हे वाचा- कधी पाहिलं आहे का तरंगणारं ATM? ग्राहकांसाठी SBI ने सुरू केली ही खास सेवा किती वाढेल खर्च? गार्टनरच्या माहितीनुसार, माहिती तंत्रज्ञान क्षेत्रासाठी 2022 मध्ये सरकारी खर्च 8.6 टक्क्यांनी वाढू शकतो. अहवालाच्या मते, सॉफ्टवेअरवरील खर्च 2022 मध्ये 24.7 टक्के वाढून 182.3 कोटी अमेरिकन डॉलर होईल. तर डेटा सेंटरमधील खर्चाची वाढ घटेल आणि 2.2 टक्के असेल असा अंदाज आहे. गार्टनरच्या अहवालाच्या मते, दूरसंचार सेवांवरील एकूण खर्चात एक टक्क्याने घट अपेक्षित आहे.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
