• Home
  • »
  • News
  • »
  • money
  • »
  • क्रिप्टोकरन्सीच्या जगात अनोखे ट्रेंड्स, गुंतवणूकदारांना केलं कोट्यधीश; 24 तासात हजार रुपयांचे झाले 7.6 कोटी

क्रिप्टोकरन्सीच्या जगात अनोखे ट्रेंड्स, गुंतवणूकदारांना केलं कोट्यधीश; 24 तासात हजार रुपयांचे झाले 7.6 कोटी

हा प्लॅटफॉर्म झपाट्यानं लोकप्रिय होत असून याच्या करन्सीने अचानक प्रचंड उसळी घेऊन अनेक गुंतवणूकदारांना आकर्षित केलं आहे.

  • Share this:
नवी दिल्ली, 12 नोव्हेंबर: जगभरात आता क्रिप्टोकरन्सी (Crypto Currency) चांगलीच लोकप्रिय होत आहे. अत्यंत झपाट्यानं वाढणारी ही करन्सी अनेकांना मालामाल करत आहे. त्यामुळे या करन्सीमध्ये गुंतवणूक करण्याकडे कल वाढत आहे. नवनवीन क्रिप्टोकरन्सीज दाखल होत असून, अनेक अनोखे ट्रेंड्स (Trends) क्रिप्टोकरन्सीच्या जगात पाहायला मिळत आहेत. काही क्रिप्टोकरन्सीज एका दिवसात डोळे दिपवून टाकणारी वाढ नोंदवून सर्वांना थक्क करत आहेत, तर अचानक एखादी करन्सी शून्यावर जात असल्याचंही दिसत आहे. सध्या क्रिप्टो जगाला कोकोस्वॅप (KokoSwap) या नवीन करन्सीनं आश्चर्याचा धक्का दिला आहे. या करन्सीनं एका दिवसात 76 हजार टक्क्यांहून अधिक परतावा देऊन आपल्या गुंतवणूकदारांना कोट्यधीश केलं आहे. त्यामुळं एका दिवसात ही करन्सी जगप्रसिद्ध झाली आहे. याआधी कोकोस्वॅपचं नावदेखील फारसं कोणी ऐकलं नव्हतं; मात्र तिच्या प्रचंड वाढीनं सगळीकडे त्याचीच चर्चा आहे. या करन्सीचं बाजारमूल्य (Markt Cap) आता तब्बल 2 अब्ज डॉलर्सपर्यंत पोहोचलं आहे. अलीकडेच स्क्विड गेम (Squid Game) या वेबसीरिजवर आधारित स्क्विड गेम (SquidGame) टोकनमध्येही असाच आश्चर्यजनक ट्रेंड दिसून आला होता. अवघ्या काही दिवसांत स्क्विड गेम टोकनची किंमत अनेक हजार पटींनी वाढली आणि नंतर ती एकाच दिवसात शून्य झाली. त्याच वेळी, शिबा इनूसारख्या माइमकॉइननं (Mimecoin) या काळात हजारो गुंतवणूकदारांना लक्षाधीश बनवलं. आता ही करन्सी जगातल्या टॉप-10 क्रिप्टोमध्ये सामील झाली आहे. हेही वाचा- 8 रुपयांचा शेअर पोहोचला ₹1090 वर, 1 लाखांचे बनले 1 कोटी रुपयांपेक्षाही जास्त! तुमच्याकडे आहे का हा स्टॉक?
 कॉइनमार्केटकॅपच्या (Coinmarketcap) डेटानुसार, कोकोस्वॅपची (KokoSwap) किंमत गेल्या 24 तासांमध्ये 0.009999 डॉलर्सवरून 7.63 डॉलरपर्यंत वाढली असून, या कालावधीत कोकोस्वॅपनं 76,200 टक्के परतावा (Return) दिला आहे. तथापि, नंतर त्याच्या किमतींमध्ये थोडीशी घसरण झाली आणि दुपारी एक वाजण्याच्या सुमारास ते 5.85 डॉलर्स किमतीवर व्यवहार करत होते.
हेही वाचा-  Gold price today: फेस्टिव्ह सीजननंतर सोने दरात घसरण, पाहा काय आहे आजचा भाव
कोकोस्वॅपने स्वतःला एथरियम प्लॅटफॉर्मवरून बायनान्स (Binance) स्मार्ट चेनकडे वळवलं आहे आणि यामुळे त्याच्या किमती वाढल्या आहेत. बायनान्स स्मार्ट चेनमध्ये आल्याने या इकोसिस्टममधल्या मोठ्या संख्येतल्या गेमर्सपर्यंत पोहोचणं शक्य झालं आहे. तसंच एनएफटी म्हणजे नॉन फंजिबल टोकनबाबत ( NFT) लोकांची आवड वाढत आहे. त्याचा फायदा कोकोस्वॅपच्या वाढीला झाला आहे. अलीकडच्या काळात, अमिताभ बच्चन, सलमान खानसह अनेक स्टार्स एनएफटीमध्ये सामील झाले आहेत. त्याचप्रमाणे कोकोस्वॅप हा विकेंद्रित प्लॅटफॉर्म असून, त्याद्वारे युझर्सना एनएफटी, गेमिंग, एनएफटी ट्रेडिंग आणि क्रिप्टो ट्रेंडिंग या सेवा एकाच ठिकाणी पुरवल्या जातात. एनएफटी, एक्स्चेंज (Exchange), स्टेकिंग (Staking), फँटसी (Fantasy) आणि आर्केड गेमिंग (Arcade Gaming) ही या प्लॅटफॉर्मची प्रमुख वैशिष्ट्यं आहेत. त्यामुळे हा प्लॅटफॉर्म झपाट्यानं लोकप्रिय होत असून याच्या करन्सीने अचानक प्रचंड उसळी घेऊन अनेक गुंतवणूकदारांना आकर्षित केलं आहे.
Published by:Pooja Vichare
First published: