टेन्शन सोडा हो! Pan Card हरवलं तर हरवू द्या, असं डाउनलोड करा ई-पॅन कार्ड

मुंबई,  17 नोव्हेंबर: पॅन कार्डचं महत्त्व आता खूप वाढलं आहे. इन्कम टॅक्स रिटर्न भरण्यापासून ते बँक खातं उघडणं, व्यवसाय सुरू करणं आणि मालमत्ता खरेदी-विक्री करणं आता आवश्यक झालं आहे. आता त्याशिवाय आर्थिक कामं करणं जवळपास अशक्य आहे, असे म्हटल्यास चुकीचं ठरणार नाही. त्यामुळे पॅनकार्ड हरवल्यास व्यक्ती अडचणीत येते. मात्र यामध्ये काळजी करण्यासारखं फारसं काही नाही. याचं कारण आयकर विभाग पॅनकार्डधारकांना इलेक्ट्रॉनिक पॅन कार्ड डाउनलोड करण्याची सुविधा उपलब्ध करून देतो. त्यामुळं तुमचं पॅन कार्डही हरवलं असेल तर तुम्हाला घाबरण्याची गरज नाही. तुम्ही घरबसल्या काही मिनिटांत ई-पॅन कार्ड डाउनलोड करू शकता. चांगली गोष्ट म्हणजे बहुतांश वित्तीय संस्था ई-पॅन कार्ड स्वीकारतात. पॅन कार्ड हा आयकर विभागानं जारी केलेला 10 अंकी अल्फान्यूमेरिक क्रमांक आहे. दुसरीकडे ई-पॅन हे व्हर्च्युअल पॅन कार्ड आहे, जे आवश्यकतेनुसार कोठेही ई-पडताळणीसाठी वापरलं जाऊ शकतं. सांभाळून ठेवा पॅनकार्ड- तथापि प्राप्तिकर विभाग नेहमी पॅन कार्ड वापरकर्त्यांना ते सुरक्षित ठेवण्याचं आणि त्याशी संबंधित माहिती अज्ञात लोकांसोबत शेअर न करण्याचं आवाहन करते. पॅन कार्डशी संबंधित फसवणूक आता मोठ्या प्रमाणात होऊ लागली आहे. अशी अनेक प्रकरणं समोर आली आहेत, ज्यात इतर लोकांनी अनेक लोकांच्या पॅनकार्डवर कर्ज घेतलं आहे किंवा इतर काही कारणांसाठी त्याचा वापर केला आहे. हेही वाचा:  फायद्याची बातमी! ‘या’ दोन बँकांनी वाढवले FDचे व्याजदर, किती होणार फायदा? असं डाउनलोड कार ई-पॅन कार्ड:

• इन्कम टॅक्सच्या अधिकृत वेबसाइट https://www.onlineservices.nsdl.com/paam/requestAndDownloadEPAN.html वर लॉग इन करा.
• येथे ई-पॅन कार्डच्या पर्यायावर क्लिक करा.
• त्यानंतर तुमचा पॅन क्रमांक टाका.
• यानंतर तुम्हाला आधार कार्ड क्रमांक टाकावा लागेल.
• नंतर जन्मतारीख टाका.
• यानंतर नियम आणि अटींवर क्लिक करा.
• दिलेल्या जागेत तुमचा नोंदणीकृत मोबाईल क्रमांक टाका.
• त्यानंतर नोंदणीकृत मोबाइल क्रमांकावर प्राप्त झालेला ओटीपी भरा.
• त्यानंतर Confirmation या पर्यायावर क्लिक करा.
• त्यानंतर ई-पॅन डाउनलोड करण्यासाठी शुल्क भरा.

News18लोकमत आणखी बातम्या…

• UPI डेबिट किंवा क्रेडिट कार्डद्वारे पेमेंट केले जाऊ शकते.
• यानंतर तुम्ही ई-पॅन डाउनलोड करू शकाल.
• ई-पॅन कार्डची PDF डाउनलोड करण्यासाठी, पासवर्ड म्हणून जन्मतारीख प्रविष्ट करा. तुमचा ई-पॅन डाउनलोड केलं जाईल.

• Follow us on