)
नवी दिल्ली, 25 फेब्रुवारी: सध्याच्या काळात लोकांना गुंतवणुकीचं महत्त्व कळालंय. मात्र गुंतवणूक करताना बर्‍याच वेळा फसवणुक होण्याची शक्यता असते. तुमच्यावर अशी परिस्थिती येऊ शकते की, तुम्हाला SEBI कडे रजिस्टर्ड कोणत्याही सूचीबद्ध कंपनीविरुद्ध तक्रार दाखल करावी लागेल. ज्यावेळी अशी परिस्थिती उद्भवते तेव्हा सर्वप्रथम तुम्हाला ज्या कंपनीविरुद्ध तक्रार असेल त्या संबंधित कंपनीशी संपर्क साधावा लागेल. या काळात तुम्ही संबंधित कंपनीच्या प्रतिसादाने समाधानी न झाल्यास, त्यानंतर तुम्ही सिक्युरिटीज अँड एक्सचेंज बोर्ड ऑफ इंडिया (सेबी) किंवा म्युच्युअल फंड कंपनीकडे तक्रार करू शकता. SEBI सूचिबद्ध कंपन्यांच्या सिक्युरिटीजचे ट्रांसफर आणि लाभांश न देण्‍याशी संबंधित तक्रारी नोंदवते. याशिवाय सेबी वेगवेगळ्या रजिस्टर्ड मध्यस्थ म्हणजेच फंड हाउस आणि संबंधित मुद्द्यांविरोधात तक्रारी देखील घेते. SEBI तक्रार निवारण प्रणाली (SCORES) तुम्हाला तुमची तक्रार ऑनलाइन नोंदवण्याची आणि नंतर तिच्या स्थितीचे स्टेटस जाणून घेण्याची सुविधा देते.
पॅन कार्डची व्हॅलिडिटी कशी चेकं करायची? ही आहे सोपी प्रोसेस
SEBI तक्रार निवारण प्रणाली (SCORES) म्हणजे काय?
SCORES एक ऑनलाइन प्लॅटफॉर्म आहे. हे गुंतवणूकदारांना सिक्युरिटीज मार्केटशी संबंधित त्यांच्या तक्रारी सूचीबद्ध कंपन्या आणि SEBI रजिस्टर्ड मध्यस्थांविरुद्ध ऑनलाइन नोंदवण्यास मदत करण्यासाठी डिझाइन केले गेले आहे. या सर्व तक्रारी SEBI द्वारे SCORES द्वारे हाताळल्या जातात.
SCORES ची प्रमुख वैशिष्ट्ये
- गुंतवणूकदारांच्या तक्रारी सेंट्रलाइज्ड डेटाबेस अंतर्गत ठेवल्या जातात.
- सूचीबद्ध कंपनी किंवा SEBI रजिस्टर्ड मध्यस्थांविरुद्धच्या तक्रारींचा ऑनलाइन निपटारा करतात.
- कारवाईचा अहवाल (ATR) संबंधित सूचीबद्ध कंपनी किंवा SEBI नोंदणीकृत मध्यस्थांकडून ऑनलाइन अपलोड केला जातो.
- गुंतवणुकदारांकडून आलेल्या तक्रारींवर कारवाई आणि त्याचे ऑनलाइन स्टेटस देखील सांगितले जाते.
कोणत्या तक्रारी SEBI च्या कक्षेत येतात?
SEBI कायदा, सिक्युरिटीज कॉन्ट्रॅक्ट रेग्युलेशन अ‍ॅक्ट, डिपॉझिटरीज अ‍ॅक्ट आणि कंपनी अ‍ॅक्ट, 2013 च्या संबंधित तरतुदींतर्गत बनवलेले नियम आणि विनियम या अंतर्गत समाविष्ट असलेल्या समस्यांमुळे उद्भवलेल्या तक्रारी SEBI च्या कक्षेत येतात.
तक्रार कशी नोंदवावी?
SCORES वर तक्रार नोंदवण्यासाठी, गुंतवणूकदाराला प्लॅटफॉर्मवर रजिस्ट्रेशन करणे अनिवार्य आहे. या सोप्या स्टेप्सच्या मदतीने तुम्ही तक्रार नोंदवू शकता.
असे करा रजिस्ट्रेशन आणि नोंदवा तक्रार
- सर्वप्रथम, तुम्हाला SCORES च्या अधिकृत वेबसाइट, scores.gov.in वर जावे लागेल.
- रजिस्ट्रेशन करण्यासाठी, होमपेजवर दिसणार्‍या “इन्वेस्टर कॉर्नर” अंतर्गत “येथे नोंदणी करा” वर क्लिक करा. SCORES वर तक्रार नोंदवण्यासाठी, तुम्हाला काही आवश्यक डिटेल्स द्यावे लागतील. ज्यात नाव, पॅन, पत्ता, मोबाइल नंबर आणि ईमेल आयडी यांचा समावेश आहे.
- SCORES मध्ये लॉग इन केल्यानंतर, गुंतवणूकदारांना “गुंतवणूकदार कॉर्नर” अंतर्गत “तक्रार नोंदणी” वर क्लिक करणे आवश्यक आहे.
- येथे गुंतवणूकदारांना तक्रारीशी संबंधित डिटेल्स भरावे लागतील. गुंतवणुकदारांना तक्रारीचे डिटेल्स ‘1000 अक्षरांमध्ये’ द्यावा लागेल.
- यानंतर, गुंतवणूकदारांना योग्य तक्रार कॅटेगिरी, संस्थेचे नाव आणि तक्रारीचे स्वरूप निवडावे लागेल.
- पीडीएफ डॉक्यूमेंट (जास्तीत जास्त साइज 2 MB) च्या रुपात अटॅच करून देखील तक्रार दाखल केली जाऊ शकते.
तक्रार यशस्वीरित्या सबमिट केल्यावर, स्क्रीनवर एक सिस्टम जेनरेटेड यूनिक रजिस्ट्रेशन नंबर दिसेल. जो भविष्यातील रेफरेन्सेससाठी नोट करुन घ्या. तक्रार नोंदणी क्रमांकासह तक्रारीची पुष्टी करणारा ईमेल देखील तक्रार नोंदणी फॉर्ममध्ये टाकलेल्या ईमेल आयडीवर पाठवला जाईल. गुंतवणुकदाराला तक्रार नोंदवल्याबद्दल माहिती देणारा टेक्स्ट मॅसेज देखील पाठवला जाईल.
कॉलद्वारे नोंदवा तक्रार
सेबीचे टोल फ्री हेल्पलाइन सर्व्हिस नंबर 1800 266 7575 किंवा 1800 22 7575 हे सिक्युरिटीज मार्केटशी संबंधित बाबींवर सर्वसामान्यांच्या विविध प्रश्नांची उत्तरे देण्याच्या सोयीसाठी आहेत. टोल फ्री हेल्पलाइन सेवा भारतभरातील गुंतवणूकदारांसाठी 8 भाषांमध्ये आहे उपलब्ध आहे. ज्यात इंग्रजी, हिंदी, मराठी, गुजराती, तमिळ, बंगाली, तेलगू आणि कन्नड यांचा समावेश आहे.
+6
फोटो
