Gold Price Today: सोन्याच्या दरात घसरण तर चांदी महागली; एक तोळे सोन्याची किंमत किती? चेक करा नवे दर

मुंबई, 11 मार्च : गेल्या काही दिवसात सोन्याच्या दरात मोठी वाढ पाहायला मिळाली आहे. ऐन लग्नसराईच्या काळात सोन्याच्या दरात वाढीमुळे अनेकांची चिंता वाढली आहे. मात्र यात काहीसा दिलासा आज मिळाला आहे. भारतीय सराफा बाजारात शुक्रवारी सोन्याचे भाव खाली आले आहेत. युक्रेनच्या संकटाच्या काळात दिल्ली सराफा बाजारात सोन्याचा भाव 200 रुपयांनी घसरला, तर चांदीच्या दराने आज 193 रुपयांची उसळी घेतली. एचडीएफसी सिक्युरिटीजने ही माहिती दिली आहे. जाणून घ्या आज सोन्याचा भाव किती आहे? (Gold Price Today) दिल्ली सराफा बाजारात शुक्रवारी सोन्याचा भाव प्रति 10 ग्रॅम 200 रुपयांनी घसरून 53,033 रुपये प्रति 10 ग्रॅमवर ​​बंद झाला. गेल्या ट्रेडिंग सत्रात दिल्ली सराफा बाजारात सोने 53,233 रुपये प्रति 10 ग्रॅमवर ​​बंद झाले होते. आज चांदीची किंमत किती झाली? (Silver Price Today) दिल्ली सराफा बाजारात चांदीचा भाव 193 रुपयांनी वाढल्यानंतर 70,449 रुपये प्रति किलोवर बंद झाला. गेल्या व्यापार सत्रात दिल्ली सराफा बाजारात चांदीचा भाव 70,256 रुपये प्रति किलोवर बंद झाला होता. Share Market: इंग्लंड, कॅनडा आणि सौदी अरेबियाला मागे टाकत भारतीय शेअर बाजार पाचव्या स्थानी कशी तपासाल सोन्याची शुद्धता? तुम्हाला सोन्याची शुद्धता तपासायची असेल तर त्यासाठी सरकारने एक अॅप बनवले आहे. ‘BIS Care App’द्वारे ग्राहक सोन्याची शुद्धता तपासू शकतात. या अॅपद्वारे तुम्ही केवळ सोन्याची शुद्धताच नाही तर त्यासंबंधी कोणतीही तक्रारही करू शकता. या अॅपमध्ये परवाना, नोंदणी आणि हॉलमार्क क्रमांक चुकीचा आढळून आल्यास ग्राहक त्याबाबत तत्काळ तक्रार करू शकतात. या अॅपच्या माध्यमातून ग्राहकाला तक्रार नोंदवण्याबाबत तत्काळ माहितीही मिळणार आहे. गृहकर्जासाठी Cibil Score महत्त्वाचा; सिबिल स्कोअर चांगला ठेवण्यासाठी ‘हे’ करा घरबसल्या मिस कॉलद्वारे जाणून घ्या सोन्याचा दर  सोन्याचा दररोजचा दर हा तुम्ही घरबसल्या जाणून घेऊ शकता. सोन्याचे भाव जाणून घ्यायचे असतील तर तुम्ही आपल्या मोबाईलने 8955664433 या नंबरवर मिस्ड कॉल द्या. त्यानंतर लगेच तुम्हाला तुमच्या मोबाईलवर सोन्याच्या किंमतीबद्दल मेसेज येईल. त्यामध्ये तुम्ही सोन्याच्या किंमतीबद्दल सविस्तर माहिती वाचू शकता.

• Follow us on