Gold Price Today: सोन्याच्या किंमतीत आज मोठी घसरण, पाहा काय आहेत नवे दर?

मुंबई, 25 फेब्रुवारी : रशिया-युक्रेन संकटाच्या (Russia-Ukraine Crises) पार्श्‍वभूमीवर गेल्या काही दिवसात सोन्यांच्या किंमतीत काही प्रमाणात वाढ झाली होती. मात्र आज भारतीय सराफा बाजारात सोने आणि चांदी मागील व्यवहाराच्या दिवसाच्या तुलनेत स्वस्त झाली. 10 ग्रॅम सोन्याचा भाव 50,913 रुपयांवर गेला आहे, तर एक किलो चांदी 64,809 रुपयांना विकली जात आहे. एचडीएफसी सिक्युरिटीजने ही माहिती दिली आहे. जाणून घ्या आज सोन्याचा भाव किती आहे? दिल्ली सराफा बाजारात शुक्रवारी सोन्याचा भाव (Gold Rate Today) प्रति 10 ग्रॅम 1274 रुपयांनी घसरून 50,913 रुपये प्रति 10 ग्रॅमवर ​​बंद झाला. गेल्या व्यापार सत्रात दिल्ली सराफा बाजारात सोने 52,187 रुपये प्रति 10 ग्रॅमवर ​​बंद झाले होते. आज चांदीची किंमत किती झाली? दिल्ली सराफा बाजारात चांदीचा भाव (Silver Rate Today) 2219 रुपयांनी घसरल्यानंतर 64,809 रुपये प्रति किलोवर बंद झाला. गेल्या व्यापार सत्रात दिल्ली सराफा बाजारात चांदीचा भाव 67,028 रुपये प्रति किलोवर बंद झाला होता. Bank Lockers New Rule: नुकसान झाल्यास ग्राहकांना मिळणार मोठी भरपाई, RBI ने जारी केले नियम कशी तपासाल सोन्याची शुद्धता? तुम्हाला सोन्याची शुद्धता तपासायची असेल तर त्यासाठी सरकारने एक अॅप बनवले आहे. ‘BIS Care App’द्वारे ग्राहक सोन्याची शुद्धता तपासू शकतात. या अॅपद्वारे तुम्ही केवळ सोन्याची शुद्धताच नाही तर त्यासंबंधी कोणतीही तक्रारही करू शकता. या अॅपमध्ये परवाना, नोंदणी आणि हॉलमार्क क्रमांक चुकीचा आढळून आल्यास ग्राहक त्याबाबत तत्काळ तक्रार करू शकतात. या अॅपच्या माध्यमातून ग्राहकाला तक्रार नोंदवण्याबाबत तत्काळ माहितीही मिळणार आहे. येत्या 28 फेब्रुवारीपासून ‘या’ बँकेच्या IFSC, MICR कोडमध्ये बदल होणार, वाचा सविस्तर घरबसल्या मिस कॉलद्वारे जाणून घ्या सोन्याचा दर  सोन्याचा दररोजचा दर हा तुम्ही घरबसल्या जाणून घेऊ शकता. सोन्याचे भाव जाणून घ्यायचे असतील तर तुम्ही आपल्या मोबाईलने 8955664433 या नंबरवर मिस्ड कॉल द्या. त्यानंतर लगेच तुम्हाला तुमच्या मोबाईलवर सोन्याच्या किंमतीबद्दल मेसेज येईल. त्यामध्ये तुम्ही सोन्याच्या किंमतीबद्दल सविस्तर माहिती वाचू शकता.

• Follow us on