)
नवी दिल्ली, 23 फेब्रुवारी : मागील काही दिवसांपासून सोने दरात (Gold Price Today) सतत तेजी होती. त्या वाढीनंतर आज सोने दरात काहीशी घसरण झाली आहे. मल्टी कमॉडिटी एक्सचेंजवर (MCX) आज एप्रिल डिलीवरी गोल्ड दरात 0.31 टक्क्यांची कमी आली आहे. तर चांदीचा दरही (Silver Price Today) 0.23 टक्क्यांच्या घसरणीसह ट्रेड करत आहे. काल मंगळवारी सोने दर 0.76 टक्क्यांच्या तेजीसह ट्रेड करत होतं. तर चांदीमध्ये काल 1.10 टक्क्यांची वाढ झाली होती. जर तुम्ही सोनं खरेदीचा विचार करत असाल, तर आता खरेदी करू शकता. जाणकारांनुसार, 2022 मध्ये सोन्याच्या किमती 52000 रुपये प्रति 10 ग्रॅमवर जाऊ शकतात. आजचा सोने-चांदी दर (Gold Silver Price) - एप्रिल डिलीवरी सोन्याचा दर आज 0.31 टक्क्यांच्या घसरणीसह 50,170 रुपये प्रति 10 ग्रॅमवर आहे. आज चांदी 0.23 टक्क्यांच्या घसरणीसह 64,200 रुपये प्रति किलोग्रॅमवर ट्रेड करत आहे.
हे वाचा - Upcoming IPO : पुढील महिन्यात कमाईची मोठी संधी, 8 आयपीओ येणार; चेक करा डिटेल्स
6030 रुपयांनी सोनं स्वस्त - ऑगस्ट 2022 मध्ये मल्टी कमॉडिटी एक्सचेंजवर सोन्याचा भाव 56,200 रुपयांच्या सर्वोच्च स्तरावर पोहोचला होता. आज MCX वर सोन्याचा एप्रिल वायदे भाव 50,460 रुपये प्रति 10 ग्रॅमवर आहे. कशी तपासाल सोन्याची शुद्धता तुम्हाला सोन्याची शुद्धता तपासायची असेल तर त्यासाठी सरकारने एक अॅप बनवलं आहे. ‘BIS Care App’ द्वारे ग्राहक सोन्याची शुद्धता तपासू शकतात. या अॅपद्वारे तुम्ही केवळ सोन्याची शुद्धताच नाही तर त्यासंबंधी कोणतीही तक्रारही करू शकता. या अॅपमध्ये परवाना, नोंदणी आणि हॉलमार्क क्रमांक चुकीचा आढळून आल्यास ग्राहक त्याबाबत तत्काळ तक्रार करू शकतात. या अॅपच्या माध्यमातून ग्राहकाला तक्रार नोंदवण्याबाबत तत्काळ माहितीही मिळणार आहे. मिस्ड कॉल देऊन जाणून घ्या सोन्याचा दर सोन्याचे दर तुम्ही घरबसल्या सहज शोधू शकता. यासाठी तुम्हाला 8955664433 या क्रमांकावर मिस कॉल द्यावा लागेल आणि तुमच्या फोनवर एक मेसेज येईल, ज्यामध्ये तुम्ही सोन्याचे नवे दर पाहू शकता.
हे वाचा - मुलीच्या उज्ज्वल भविष्यासाठी ‘या’ योजनेत गुंतवणूक करा; उभारू शकता 65 लाख रुपये
दरम्यान, रशिया आणि युक्रेनमधील वाढत्या तणावामुळे सोने दरावर मोठा परिणाम होण्याची शक्यता आहे. जगभरातील शेअर बाजारात अनिश्चिततेचं वातावरण आहे. त्यामुळे गुंतवणुकदार पुन्हा एकदा सुरक्षित गुंतवणूक म्हणून सोन्याकडे वळले असल्याचं चित्र आहे.
+6
फोटो
