)
मुंबई, 18 सप्टेंबर : सोन्याच्या दरात या आठवड्यात मोठी घसरण झाली आहे. देशांतर्गत बाजारापासून ते परदेशी बाजारात सोन्याच्या किमतीवर दबाव दिसून येत आहे. भारतीय बाजारात या आठवड्यात सोन्याचा भाव 50 हजारांच्या खाली आला आहे. शुक्रवारी 16 सप्टेंबर रोजी सराफा बाजारात सोन्याचा दर 49,374 रुपये प्रति 10 ग्रॅमवर बंद झाला. या आठवड्याच्या सुरुवातीपासून सोन्याच्या दरात घसरण दिसून आली आहे. देशातील सोन्याचा भाव सहा महिन्यांच्या नीचांकी पातळीवर पोहोचला आहे. सोनं 50 हजारांच्या खाली या आठवड्याच्या पहिल्या व्यवहाराच्या दिवशी सोमवारी सोन्याच्या दरात मागील आठवड्याच्या तुलनेत घसरण झाली. सोन्याचा भाव 50,658 रुपये प्रति 10 ग्रॅमवर बंद झाला. यानंतर आठवडाभर सोन्याच्या दरात घसरण झाली आणि गुरुवारी तो 50 हजार रुपये प्रति 10 ग्रॅमपर्यंत खाली आला. या दिवशी सोन्याचा भाव 49,918 रुपये प्रति 10 ग्रॅमवर बंद झाला. परदेशी बाजारात या आठवड्यात सोन्याचे दर तीन टक्क्यांनी घसरले आहेत. आठवड्याच्या शेवटच्या दिवशी स्पॉट गोल्डचा भाव 1,664.48 डॉलर प्रति औंस होता. ITR Refund: आयकर परतावा अजून आला नाही तर काय कारणं असू शकतात? चेक करा सद्यस्थिती IBJA दरांनुसार, मागील आठवड्याच्या तुलनेत या आठवड्यात सोन्याचे भाव 1,405 रुपयांनी घसरले आहेत. गेल्या आठवड्याच्या शेवटच्या व्यवहाराच्या दिवशी सोन्याचा भाव 50,779 रुपये प्रति 10 ग्रॅमवर बंद झाला होता. तर या आठवड्यात शुक्रवारी सोन्याचा भाव 49,374 रुपये प्रति 10 ग्रॅमवर बंद झाला. जागतिक बाजारात अमेरिकी डॉलरच्या दरात वाढ झाल्यामुळे सोन्याच्या दरावर दबाव दिसून येत आहे. तसेच, यूएस फेडरल रिझर्व्ह व्याजदर वाढवण्याची शक्यता आहे. त्यामुळे जागतिक बाजारातही सोन्याचे भाव कोसळत आहेत. PM Suraksha Bima Yojana: दरमहा फक्त 1 रुपये जमा करा, सरकार देईल 2 लाख रुपयांचा लाभ 24 कॅरेट सोन्याची किंमत इंडियन बुलियन अँड ज्वेलर्स असोसिएशन (IBJA) नुसार, 16 सप्टेंबर रोजी 24 कॅरेट सोन्याची किंमत 49,374 रुपये होती. तर 22 कॅरेट सोन्याची किंमत 49,176 रुपये प्रति 10 ग्रॅम झाली आहे. सोन्याची शुद्धता अशा प्रकारे तपासा सोन्याच्या वाढत्या किमतींमुळे अनेक बनावट दागिनेही बाजारात मिळू लागले आहेत. अशा परिस्थितीत, आयएसओ (Indian Standard Organization) लोकांना खोटे दागिने ओळखण्यासाठी हॉलमार्क तपासण्याचा सल्ला देते. 18 कॅरेटवर 750, 21 कॅरेटवर 875, 23 कॅरेटवर 958 आणि 24 कॅरेट सोन्यावर 999 लिहिले आहे. तुमच्या शहरातील सोन्याचे दर असे तपासा तुम्हाला तुमच्या शहरातील सोन्याची किंमत जाणून घ्यायची असेल तर तुम्ही 8955664433 या क्रमांकावर मिस कॉल करू शकता. काही वेळानंतर तुम्हाला एसएमएसद्वारे नवीन दर मिळतील. याशिवाय तुम्ही www.ibja.co किंवा ibjarates.com या वेबसाइटवरही नवीन दर तपासू शकता.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
