)
नवी दिल्ली, 16 मार्च : ग्लोबल मार्केटमध्ये गोल्ड रेट कमी झाल्याने आज बुधवारी भारतीय बाजारातही सोने-चांदी दर (Gold-Silver Rate) स्वस्त झाला आहे. मल्टी कमॉडिटी एक्सचेंजवर (MCX) आज सोने दरात 144 रुपयांची (Gold Price Today) घसरण झाली आहे. मागील पाच दिवसांत सोने दरात जवळपास 4000 रुपयांची कमी आली आहे. MCX वर 10 ग्रॅम सोन्याचा वायदे भाव 144 रुपयांनी कमी होऊन 51,420 रुपयांवर पोहोचला आहे. मागील काही दिवसांपासून सोने दरात सतत घसरण होत आहे. MCX वर चांदीचा भावही उतरला आहे. आज चांदीचा भाव 372 रुपयांनी कमी झाला. या घसरणीसह चांदीचा भाव 67,953 रुपये प्रति किलोग्रॅम आहे. जवळपास एक महिन्यात पहिल्यांचा चांदीचा भाव 68000 रुपयांवरुन खाली आला आहे. रशिया आणि युक्रेनमधील युद्ध संपण्याची आशा वाढल्याने सोने-चांदी दरात ग्लोबल लेवलवर कमजोरी आहे. क्रूड ऑइलचा भावही काही प्रमाणात कमी झाला आहे. त्यामुळे जगभरातील शेअर बाजारात तेजीचं वातावरण आहे. आता गुंतवणुकदार सोन्याऐवजी बाजारात गुंतवणूक करत असल्याने याचा परिणाम सोने-चांदीवर होत आहे.
हे वाचा - राज्य सरकारने CNG वरील VAT कमी केला, सर्वसामान्यांना प्रतिकिलो किती फायदा होणार
कशी तपासाल सोन्याची शुद्धता - तुम्हाला सोन्याची शुद्धता तपासायची असेल तर त्यासाठी सरकारने एक अॅप बनवलं आहे. ‘BIS Care App’ द्वारे ग्राहक सोन्याची शुद्धता तपासू शकतात. या अॅपद्वारे तुम्ही केवळ सोन्याची शुद्धताच नाही तर त्यासंबंधी कोणतीही तक्रारही करू शकता. या अॅपमध्ये परवाना, नोंदणी आणि हॉलमार्क क्रमांक चुकीचा आढळून आल्यास ग्राहक त्याबाबत तत्काळ तक्रार करू शकतात. या अॅपच्या माध्यमातून ग्राहकाला तक्रार नोंदवण्याबाबत तत्काळ माहितीही मिळणार आहे.
हे वाचा - BharatPe ची व्यापाऱ्यांसाठी गोल्ड लोन सेवा, 20 लाखांपर्यंत कर्जाची सुविधा
मिस्ड कॉल देऊन जाणून घ्या सोन्याचा दर - सोन्याचे दर तुम्ही घरबसल्या सहज शोधू शकता. यासाठी तुम्हाला 8955664433 या क्रमांकावर मिस कॉल द्यावा लागेल आणि तुमच्या फोनवर एक मेसेज येईल, ज्यामध्ये तुम्ही सोन्याचे नवे दर पाहू शकता.
+6
फोटो
