EPFO E-Nomination: सदस्यांनी ई-नॉमिनेशन भरावे अन्यथा होईल मोठं नुकसान! मिळणार नाही हे फायदे!

मुंबई, 12 फेब्रुवारी : कर्मचारी भविष्य निर्वाह निधी संघटना (EPFO) ने खातेदारांसाठी ई-नामांकन अनिवार्य केले आहे, त्यामुळे ही प्रक्रिया पूर्ण करणे त्यांच्यासाठी अत्यंत महत्त्वाचे आहे. संस्थेने शेअर केलेल्या माहितीनुसार, आतापर्यंत 50 लाखांहून अधिक लोकांनी ई-नॉमिनेशन केले आहे. जर तुमचे नाव या यादीत नसेल तर हे काम लवकरात लवकर पूर्ण करा. जानेवारीमध्ये 16 लाखांहून अधिक ई-नामांकनं ईपीएफओ सोशल मीडियाच्या माध्यमातून खातेधारकांना सतत ई-नॉमिनेशन भरण्याचे आवाहन करत आहे, जेणेकरून त्यांच्या कुटुंबाला त्यांच्या फायद्यांविषयी माहिती देऊन सामाजिक सुरक्षा प्रदान करावी. ईपीएफओच्या ट्विटद्वारे अशी माहिती देण्यात आली आहे की एप्रिल 2021 ते जानेवारी 2022 पर्यंत 50 लाखांहून अधिक खातेधारकांनी ईपीएफओ पोर्टलला भेट देऊन ई-नॉमिनी दाखल केले आहेत. 2022 मध्ये 16,58,015 खातेदारांनी ही प्रक्रिया पूर्ण केल्याचे संस्थेकडून सांगण्यात आले. सरकारने वाढवली मुदत यापूर्वी EPFO ​​मध्ये ई-नॉमिनी जोडण्याची प्रक्रिया पूर्ण करण्यासाठी 31 डिसेंबर 2021 ही अंतिम तारीख निश्चित करण्यात आली होती. मात्र, नंतर ती वाढवण्यात आली आणि सध्या तरी त्यासाठी कोणतीही मुदत देण्यात आलेली नाही. ईपीएफओने खातेदारांना हे काम करण्यास उशीर न करण्याचे आणि लवकरात लवकर ई-नॉमिनेशन प्रक्रिया पूर्ण करण्याचे आवाहन केले आहे. तुम्ही घरी बसून ईपीएफ किंवा ईपीएससाठी ई-नामांकन दाखल करू शकता. सुकन्या समृती योजनेत 5 मोठे बदल; गुंतवणूक करण्यापूर्वी जाणून घेणं महत्वाचं EPFO ई-नामांकनास 7 लाख विमा संरक्षण मिळते ईपीएफओ खातेधारकांना ई-नामांकन करून अनेक फायदे मिळतात. यामध्ये सर्वात प्रमुख म्हणजे एम्प्लॉई डिपॉझिट लिंक्ड इन्शुरन्स स्कीम (EDLI Insurance cover) द्वारे 7 लाखांची विमा सुविधा उपलब्ध आहे. EDLI प्रत्येक खातेदाराला 7 लाख रुपयांपर्यंतचे विमा संरक्षण प्रदान करते. एकदा नॉमिनी दाखल केल्यानंतर खातेदाराच्या मृत्यूनंतर विमा क्लेम सहज उपलब्ध होतो. परंतु, नॉमिनी दाखल न केल्यास हक्काचे पैसे मिळण्यात अनेक अडचणी येतात. यासोबतच पीएफचे पैसे काढण्यातही अडचण येऊ शकते. त्यामुळेच ई-नॉमिनेशन करणे अत्यंत आवश्यक आहे. EPFO कडून मिळणार बेरोजगारांना संधी, लाभ घेण्यासाठी लवकर करा रजिस्ट्रेशन अशी प्रक्रिया पूर्ण करा ई-नॉमिनी ऑनलाइन भरण्यासाठी epfindia.gov.in या वेबसाइटला भेट द्यावी लागेल. आता सर्व्हिस ऑप्शनवर जाऊन ड्रॉपडाऊनमधील कर्मचाऱ्यांसाठी पर्याय निवडा. त्यानंतर सदस्य UAN/ऑनलाइन सेवा (OCS/OTCP) वर क्लिक करा. UAN पासवर्डने लॉग इन करा. कुटुंब घोषणा अपडेट करण्यासाठी होय क्लिक करा. त्यानंतर Add Family Details वर क्लिक करा. त्यात नामांकन तपशीलावर क्लिक करा. आता Save EPF नामांकनावर क्लिक करा. OTP जनरेट करण्यासाठी E-Sign वर क्लिक करा. वापरकर्त्यांच्या आधार कार्डशी लिंक केलेल्या मोबाईल नंबरवर OTP पाठवला जाईल. तुमचे ई-नामांकन ओटीपी सबमिशनसह नोंदणीकृत केले जाईल. वापरकर्ते कोणत्याही अतिरिक्त कागदपत्रांशिवाय त्यात एकापेक्षा जास्त नॉमिनी जोडू शकतात.

• Follow us on