)
मुंबई, 1 जून : महिगाईने (Inflation) त्रस्त असलेल्या नागरिकांना महिन्याच्या पहिल्याच दिवशी काहीसा दिलासा मिळाला आहे. एलपीजी सिलेंडरचे (LPG Cylinder Prices) दर महिन्यांच्या पहिल्या तारखेला बदलले जातात. आजही एलपीजी सिलेंडरचे नवीन दर जाहीर करण्यात आले आहेत. नव्या दरानुसार कमर्शियल सिलेंडरच्या (Commercial Cylinder) दरात कपात करण्यात आली आहे. पेट्रोलियम कंपनी इंडियन ऑइलने एलपीजी सिलेंडरच्या दरात ही कपात केली आहे. आता इंडेन गॅसचा व्यावसायिक एलपीजी सिलेंडर 135 रुपयांनी स्वस्त झाला आहे.मात्र 14.2 किलो घरगुती एलपीजी सिलिंडरच्या किमतीत कोणताही बदल झालेला नाही. घरगुती सिलिंडर सध्या 19 मे रोजी जारी केलेल्या दराने विकले जात आहे. दिल्लीत कमर्शियल एलपीजी सिलेंडरच्या किमतीत सर्वाधिक कपात करण्यात आली आहे. येथे 19 किलोचा एलपीजी सिलिंडर आज 136 रुपयांनी स्वस्त झाला आहे, तर कोलकाता येथे किमती 133 रुपयांनी कमी झाल्या आहेत. याशिवाय, मुंबईत 135.50 रुपयांनी प्रति सिलेंडरची किंमत कमी झाली आहे, तर चेन्नईमध्ये सिलेंडरची किंमत आज 135 रुपयांनी कमी झाली आहे. मे महिन्यात घरगुती एलपीजी सिलेंडरच्या ग्राहकांना दोनदा धक्का बसला होता. 7 मे रोजी घरगुती सिलेंडरच्या दरात 50 रुपयांनी वाढ करण्यात आली होती आणि 19 मे रोजीही घरगुती एलपीजी गॅस सिलेंडरच्या किंमतीत वाढ करण्यात आली होती. 7 मे रोजी एलपीजीच्या दरात झालेल्या बदलामुळे जिथे घरगुती सिलिंडर 50 रुपयांनी महागला, तर 19 किलोचा व्यावसायिक सिलिंडर सुमारे 10 रुपयांनी स्वस्त झाला. १९ मे रोजी त्याचे दर आठ रुपयांनी वाढले होते. Petrol-Diesel Prices: कच्च्या तेलाची किंमत दोन महिन्यांच्या उच्चांकावर, पेट्रोल-डिझेलचे आजचे नवे दर काय? आजपासून या दराने सिलेंडर उपलब्ध होणार आज म्हणजेच 1 जून रोजी 19 किलोच्या कमर्शियल सिलिंडरवर थेट 135 रुपयांपर्यंतची सूट मिळणार आहे. आता 19 किलोचा सिलेंडर मुंबईत 2306 ऐवजी 2171.50 रुपयांना, दिल्लीत 2354 ऐवजी 2219 रुपयांना, कोलकात्यात 2454 ऐवजी 2322 रुपयांना आणि चेन्नईमध्ये 2507 ऐवजी 2373 रुपयांना विकला जाणार आहे. रेल्वेने प्रवास करताना जास्तीचं सामान घेण्याआधी नियम समजून घ्या; अन्यथा दंड भरावा लागेल 1 मे रोजी त्यात सुमारे 100 रुपयांची वाढ झाली होती. मार्चमध्ये दिल्लीत 19 किलोच्या एलपीजी सिलेडरची किंमत केवळ 2012 रुपये होती. 1 एप्रिलला ते 2253 वर आणि 1 मे रोजी 2355 रुपयांवर पोहोचले.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
