)
मुंबई : अर्थमंत्री निर्मला सीतारामन 1 फेब्रुवारी 2023 रोजी संसदेत केंद्रीय अर्थसंकल्प 2023-2023 सादर करणार आहेत. सर्व उद्योग, व्यावसायिक, करदाते, तज्ज्ञ आदी विविध माध्यमातून अर्थसंकल्पाकडून आपल्या अपेक्षा अर्थमंत्र्यांकडे पाठवत आहेत. 2024 च्या लोकसभा निवडणुकीपूर्वी मोदी सरकार आपला शेवटचा पूर्ण अर्थसंकल्प सादर करणार असल्याने केंद्रीय अर्थसंकल्प 2023-24 विशेष महत्त्व आहे. अधिवेशन सुरू होण्याच्या दुसऱ्या दिवशी हा अर्थसंकल्प सादर केला जाणार आहे. 31 जानेवारीपासून अर्थसंकल्पीय अधिवेशनाला सुरुवात होणार आहे. 31 जानेवारीला अर्थमंत्री आर्थिक सर्वेक्षण सादर करणार आहे. त्यानंतर 1 फेब्रुवारीला सकाळी 11 वाजता अर्थसंकल्प सादर केला जाईल.
Budget 2023 : केंद्र सरकारची कमाई कशी होते? बजेटमधून समजेल सर्व गणितमी बजेट कुठे बघू शकतो? जर तुम्हाला बजेटची घोषणा ऑनलाइन पाहायची असेल तर तुम्ही पीआयबी आणि संसद टीव्हीच्या अधिकृत यूट्यूब चॅनेलवर ती पाहू शकता. दूरदर्शन आणि संसद टीव्हीवर तुम्ही केंद्रीय बजेट टीव्हीवर लाईव्ह पाहू शकता. याशिवाय बजेटचे सगळे अपडेट्स तुम्हाला न्यूज 18 लोकमतवर पाहायला मिळणार आहेत.
Budget 2023: यंदाच्या अर्थसंकल्पात मिळेल का करसवलत? सर्वसामान्यांच्या काय आहेत अपेक्षा?याशिवाय मनीकंट्रोल आपल्या वाचकांसाठी बजेट लाइव्ह स्ट्रीमिंगपासून बजेटमधील महत्त्वाचे हायलाइट्स पाहता येणार आहे. या व्यतिरिक्त सीएनबीसी टीव्ही 18 आणि सीएनबीसी आवाजवर देखील तुम्हाला याचे सर्व अपडेट्स पाहायला मिळणार आहेत.
अर्थसंकल्पापूर्वी करदात्यांना मिळणार मोठा दिलासा? सर्वसाधारण अर्थसंकल्पाबाबत सामान्यांच्या आणि करदात्यांच्या अपेक्षा गगनाला भिडलेल्या असतात. अर्थसंकल्प येणे बाकी आहे, मात्र त्यापूर्वीच ज्येष्ठ करदात्यांना खूश करण्यात आले आहे. आता काही करदात्यांना आयटीआर फायलिंग भरण्यापासून पूर्णपणे सूट देण्यात येत आहे. 75 वर्षांवरील ज्यांचे उत्पन्नाचे साधन केवळ पेन्शन आणि बँकांकडून मिळणारे व्याज आहे, अशा नागरिकांना आयटी रिटर्नची आवश्यकता नाही.
+6
फोटो
