)
प्रीतम पंडित, सोलापूर, 07 मे : वाढती वाहनांची संख्या आणि त्यामुळे होणारे प्रदुषण ही सध्या मोठी समस्या बनली आहे. या समस्येवर उपाय म्हणून सोलापूरच्या एका तरुण इंजिनिअरने पार्ट तयार केला असून त्याचं पेटंट टाटा कंपनीने मोठ्या किंमतीला विकत घेतलं. सोलापुरातील तरुण इंजिनीयरने आपल्या कामाचा ठसा उमटवला. वाहनांमुळे होणारे प्रदूषण कमी करण्यासाठी अभिनव कल्पनेतून एक पार्ट बनवला. राहुल बऱ्हाणपुरे असं त्याचं नाव असून त्याने वाहन क्षेत्रात त्यानं केलेले पेटंट टाटा कंपनीने तब्बल साडेतेरा कोटी रुपयांना विकत घेतलं आहे. राहुल बऱ्हाणपुरे याने अनेक संशोधन केल्यानंतर हा पार्ट निर्माण केला आहे. राहुलने सोलापूरच्या दिगंबर जैन गुरुकुल प्रशाला कनिष्ठ महाविद्यालयात एम.सी.व्ही.सी ऑटोमोबाईल क्षेत्रात शिक्षण घेतलं. वडील साडीच्या दुकानात कर्मचारी तर आई गृहिणी अशी घरची स्थिती असतानाही जिद्दीन राहुल यांनी सुरुवातीच्या काळात एका खाजगी गॅरेजमध्ये दुचाकी, चार चाकी गाड्या दुरुस्तीचे काम केलं. हे करत असतानाच गाड्यांमध्ये होणारे प्रदूषण कमी करण्यासाठी त्याना कल्पना सुचली. IITतून पदवी, महिना 50 लाखांची नोकरी; सगळं सोडून सुरू केली दूध विक्री, थक्क करणारी यशोगाथा अनेक दिवस संशोधन करून राहुलने चार चाकी गाड्या मधील प्रदूषणाची तीव्रता कमी करण्यासाठी एक पार्ट बनवला. हा पार्ट इंडियन स्टॅंडर्ड नॉर्म्स नुसार बनवला असून याविषयीची माहिती त्यानी पोर्टलवर प्रसिद्ध केली. तीन ते चार कंपन्यांनी त्यांच्याशी संपर्क साधला. पेटंटची मागणी केली. यातील टाटा मोटर्स कंपनी ही देशी कंपनी आहे आणि टाटा कंपनीचं देश कार्यात नेहमीच अधिक योगदान असतं म्हणून याच कंपनीला त्यात राहुल बुऱ्हाणपूरे यांनी आपलं पेटंट दिलं आहे . सध्याच्या वाहनांमध्ये इ.जी.आर सिस्टमचा वापर केला जातो. या पार्टचं काम प्रभावीपणे होण्यासाठी पीसीएम या सेंसरद्वारे हा पार्ट नियंत्रित केला जातो. सायलेन्सर मधून बाहेर फेकली जाणारी 30 टक्के दूषित हवा या पार्टमुळे पुन्हा रिसायकल होऊन इंजिन मध्ये सोडली जाते. यामुळे प्रदूषणात 30 टक्के एवढी घट होईल, याशिवाय इंधनाची ही 10 टक्के बचत होते असं राहुल बुऱ्हाणपूरे यांनी सांगितलं. नायट्रोजन ऑक्साईड कार्बन मोनॉक्साईड, हायड्रोकार्बन यासारखे घातक वायू चार चाकी वाहनांमधून उत्सर्जित होतात. त्यातील नायट्रोजन ऑक्साईड हा मानवी शरीरावर घातक असतो. टाटा मोटर्सकडून नवीन पार्टचा वाहनांमध्ये पुढील वर्षापासून वापर होणार असल्याची माहिती राहुल यांनी दिली आहे.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
