Diwali 2022: छोटी जागा आहे...नो टेन्शन! 'या' पद्धतीनं काढा सुंदर रांगोळी, Video

सोलापूर, 22 ऑक्टोबर : दिवाळी सण मोठा नाही आनंदाला तोटा. दिवाळीचा हा आनंद द्विगुणीत करण्यासाठी प्रत्येक जण आपल्या घराची सजावट करत असतो. घराच्या सजावटीमधील महत्त्वाचा भाग म्हणजे रांगोळी. घरामध्ये अंगण किंवा मोठी जागा असेल तर मोठी रांगोळी काढता येते. पण, महानगरांमधील फ्लॅट्समध्ये जागा कमी असते. या कमी जागेत चांगली रांगोळी काढण्याचं वेगळं आव्हान असतं. दिवाळी तसंच अन्य मंगल प्रसंगी रांगोळी शिकण्याचे क्लास आता अनेक शहरांमध्ये आहेत. त्याचबरोबर पुस्तकं, सोशल मीडिया या माध्यमातूनही रांगोळी काढण्याच्या टिप्स दिल्या जातात. या दिवाळीत घरासमोर कमीत कमी वेळामध्ये आकर्षक आणि मोठी रांगोळी कशी काढायची याच्या टिप्स आम्ही तुम्हाला देणार आहोत. तुमच्या घरासमोर मोठे अंगण नसेल किंवा तुम्हाला झटपट आणि सुबक रांगोळी काढायची असेल तर आम्ही तुम्हाला मदत करणार आहोत. सोलापूरच्या मेघना करवंदे राहूरकर यांनी अवघ्या दहा ते पंधरा मिनिटात छोटी रांगोळी कशी काढता येईल याच्या टिप्स दिल्या आहेत. कमी आणि उपलब्ध असणाऱ्या सामग्रीमध्ये आपण दिवाळीच्या दिवसांमध्ये ही रांगोळी काढू शकतो. मेघना यांनी या रांगोळीतून सोप्या प्रकारे देवीची पावले आपण कसे दाखवू शकतो हे दाखवले आहे. दिवाळीच्या दिवशी झटपट पण मोठी रांगोळी कशी काढणार? पाहा Video ‘ही सामूहिक व संघटितपणे काढावयाची रांगोळी असल्यामुळे, तसेच ती लांब अंतराच्या व आकाराची असल्यामुळे ती काढण्यासाठीचे तंत्र हे उभे राहून व कमरेत वाकून पाच बोटातून रांगोळी सोडण्याच्या पध्दतीने विकसित झाले. यामुळे रांगोळी जलदगतीने काढता येऊ लागली, कित्येकांनी या रांगोळीचे नाव ‘जलदगती रांगोळी’ असेही ठेवले. यासाठीचे पावडर प्रकारातील विविध रंग, हळद, कुंकू, गुलाल आदींचा वापर चाळणीने चाळून केला जाऊ लागला. म्हणजे सुरुवातीला अपेक्षित डिझाइनचे मार्किंग करून त्यात रंग भरत जायचा व क्रमाक्रमाने पांढऱ्याशुभ्र रांगोळी पावडरने सांस्कृतिक प्रतिकांचे आकार काढून डिझाइन पूर्ण करायचे.’ असे मेघना यांनी सांगितले.

जाहिरात

मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.

Tags: diwali , home-decor , Rangoli , solapur