Aditya Kodmur from Solapur is preparing for the Guinness Book of World Records in Most Human Target Card ThrowingSolapur : 17 वर्षांचा तरूण करतोय वर्ल्ड रेकॉर्डची तयारी, यापूर्वी झालीय गिनीज बुकमध्ये नोंद, Video

सोलापूर, 17 ऑक्टोबर : सध्या विविध क्षेत्रातील स्पर्धा वाढत असल्याने सर्वच युवक काहीतरी नवीन करू इच्छित आहेत. त्यामुळे वेगवेळया क्षेत्राकडे तरुण वळत असून यामध्ये आपले करिअर घडवत आहेत. यापैकीच सोलापूर शहरातील आदित्य कोडमूर हा तरुण असून तो कार्ड थ्रोविंग प्रकारात आपले करिअर घडवू इच्छित आहे. आदित्य कोडमूर याने कार्ड थ्रोविंग या प्रकारात आतापर्यंत एकदा गिनीज बुक ऑफ वर्ल्ड रेकॉर्डची नोंद केली असून तो आता मोस्ट ह्यूमन टार्गेट कार्ड थ्रोविंग या प्रकारात गिनीज बुक ऑफ वर्ल्ड रेकॉर्ड करण्याची तयारी करत आहे.

जाहिरात

गेली पाच ते सहा वर्ष मी कार्ड थ्रोविंग या कलाप्रकाराचा सराव करीत आहे. सोबतच माझे अकॅडमी करिअर पाहता मागील काही महिन्यात मी एका टार्गेटवर सर्वात जास्त कार्ड फेकण्याचा विक्रम माझ्या नावावर केला आहे. तसेच त्या संदर्भात असणाऱ्या सर्व छोट्या-मोठ्या तांत्रिक गोष्टी लक्षात घेत गिनीज बुक ऑफ वर्ल्ड रेकॉर्डने माझी दखल घेतली आहे. आता पुढच्या वर्ल्ड रेकॉर्डची तयारी मी करीत आहे. त्यासाठी दररोजचा सराव हा माझा चालूच आहे. त्या संदर्भात मी गिनीज बुक वर्ल्ड रेकॉर्ड या संस्थेला अ‍ॅप्लिकेशन देखील दाखल केले आहे. मोस्ट ह्यूमन टार्गेट कार्ड थ्रोविंग या प्रकारात मी अ‍ॅप्लिकेशन दाखल केले आहे, असं 17 वर्षीय आदित्य कोडमूर याने सांगितले. हेही वाचा : सोलापूरकरांनो, विवाह नोंदणी करताना लक्षात घ्या ‘हे’ नवे बदल!

लहानपणापासूनच आदित्यला जादू किंवा इतर कलेच्या बाबतीत आकर्षण होते. आदित्य नक्कीच दुसरा वर्ल्ड रेकॉर्ड करेल. इतर पालकांनी देखील आपला पाल्य ज्या क्षेत्रात कामगिरी करू इच्छित आहे. त्यासाठी आपण नेहमी अग्रेसर असावे. तरच आपला पाल्य प्रगती करू शकतो, असं आदित्यची आई अनिता कोडमूर यांनी सांगितले.

सध्या आदित्य कोडमूर शहरातील विविध शाळांमध्ये आपले जादूगिरीचे प्रयोग दाखवत आहे. तसेच त्याच्या शाळेतील शिक्षक देखील त्याचे मन भरून कौतुक करीत आहेत. येत्या काळात जागतिक पातळीवर सोलापूरचे नाव लौकिक करण्याचा मानस आदित्य कोडमूरचा आहे. आदित्य कोडमूरने ही सगळी कला इंटरनेटवर तसेच युट्युबवर पाहून अवगत केली आहे.

हेही वाचा : Nashik: पाय गेला पण जिद्द वाढली, आंतरराष्ट्रीय पदकं जिंकणाऱ्या खेळाडूची प्रेरणादायी गोष्ट Video

काय आहे कार्ड थ्रोविंग?

कार्ड फेकणे ही अत्यंत अचूकतेने किंवा ताकदीची कला आहे. हे स्टेज मॅजिक शोचा एक भाग म्हणून आणि जादूगारांमध्ये स्पर्धात्मक शारीरिक पराक्रम म्हणून सादर केले जाते. ज्यामध्ये सर्वात लांब अंतर कार्ड फेकणे, सर्वात वेगवान कार्ड फेकणे, सर्वाधिक कार्ड फेकणे, सर्वात जास्त अचूक आणि एका मिनिटात सर्वाधिक कार्ड फेकणे होय.

जाहिरात

काय आहे मोस्ट ह्यूमन टार्गेट कार्ड थ्रोविंग ?

एका माणसाला किंवा मानवी आकाराच्या पुतळ्याला एका सपाट प्रुष्ठभाग असणाऱ्या बोर्डवर उभे केले जाते. आणि त्यानंतर एका विशिष्ट अंतरावरुन त्याच्यावर कार्ड म्हणजेच पत्ते फेकायचे असतात. कार्ड हे त्या मुलायम प्रुष्ठभागात आरपार घुसून तग धरुन राहतील इतक्या ताकतीने फेकायचे असतात .

मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.

Tags: solapur , world record