A new independent marriage registration office will be started at Dufferin Hospital in Solapur cityसोलापूरकरांनो, विवाह नोंदणी करताना लक्षात घ्या 'हे' नवे बदल!

सोलापूर, 15 ऑक्टोबर : तंत्रज्ञानासोबत जुळते घेत सोलापूर महापालिकेने आता विवाह नोंदणी ही ऑनलाईन स्वरूपात उपलब्ध केली आहे. त्यामुळे शहरातील महापालिकेच्या आठ विभागीय कार्यालयातील विवाह नोंदणी बंद होणार आहे. त्याऐवजी शहरातील मध्यवर्ती भागात असणारे डफरीन हॉस्पिटल येथे नवे स्वतंत्र विवाह नोंदणी कार्यालय सुरू होईल, अशी माहिती अरोग्य अधिकारी डॉ. बसवराज लोहारे यांनी दिली आहे.

मागील काही वर्षात विवाह नोंदणीच्या संदर्भात सर्वसामान्यांना अडचणी निर्माण होत होत्या. तसेच अर्ज केल्यापासून जवळपास दोन ते तीन महिने इतका कालावधी अर्जदारांना विवाह नोंदणीचे प्रमाणपत्र प्राप्त होण्यास लागत होता. तसेच नाव आणि आडनावसंदर्भात शुद्धलेखनाच्या चुकाही भरपूर होत होत्या. त्या चुका परत दुरुस्त करण्यासाठी बाॅन्ड पेपरची पूर्तता करून पर्यायी व्यवस्था देण्यात येत होती.

जाहिरात

हेही वाचा : विवाह नोंदणीसाठी गेलेल्या तरुणाचा झाला अपमान, पठ्ठ्याने ग्रामपंचायतला नियमांच्या आधारे शिकवला धडा

ही प्रक्रिया वेळखाऊ असणारी होती. कधी हद्दीचे कारण सांगून तर कधी कागदपत्रांची पूर्तता होत नसल्याचे सांगून विवाह नोंदणी प्रमाणपत्र द्यायला विलंब लागत होता. त्यामुळे हा निर्णय घेण्यात आला असून नागरिकांना विवाह प्रमाणपत्र मिळविण्यासाठी मंगळवारपासून ऑनलाइन अर्ज करता येईल, असे आरोग्य अधिकारी डॉ. बसवराज लोहारे यांनी सांगितले.

सोळा कर्मचाऱ्यांचे काम आता दोनच कर्मचाऱ्यांना करावे लागणार

शासनाने जन्म-मृत्यू नोंदणी प्रमाणपत्र, विवाह नोंदणी प्रमाणपत्रांसाठी एक सॉफ्टवेअर तयार केले आहे. महापालिकेच्या वेबसाईटवरून किंवा प्लेस्टोर वर ते ॲप लवकरच उपलब्ध आणि कार्यान्वित करण्यात येईल. सोळा कर्मचाऱ्यांचे काम आता दोनच कर्मचाऱ्यांना करावे लागणार आहे.

हेही वाचा : वा सोलापूर! प्लॅस्टिकच्या बॉटल्स केल्या दूर, शोधला ‘हा’ पर्याय, पाहा Video

आठही झोन कार्यालयात विवाह नोंदणी प्रमाणपत्र देण्यासाठी प्रत्येकी दोन कर्मचाऱ्यांची नियुक्ती आहे. नव्या केंद्रात केवळ दोन कर्मचाऱ्यांची नियुक्ती करण्यात येईल. शहरात महिन्याला 200 विवाह नोंदणी प्रमाणपत्र देण्यात येतात. एकाच ठिकाणी होणारी नोंदणी नागरिकांसाठी सोयीची ठरेल, असेही डॉ. लोहारे यांनी सांगितले.

जाहिरात

मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.

Tags: solapur