महाराष्ट्र
65 वर्षाच्या वृद्धाचा मेहुण्याच्या पाच वर्षाच्या चिमुरडीवर लैंगिक अत्याचार; एक फोन कॉल अन्..
65 वर्षीय वृद्धाने महाबळेश्वर या ठिकाणी आपल्या मेहुण्याच्या अवघ्या 5 वर्षाच्या चिमुरडीवर लैंगिक अत्याचार केले.
65 वर्षीय वृद्धाने महाबळेश्वर या ठिकाणी आपल्या मेहुण्याच्या अवघ्या 5 वर्षाच्या चिमुरडीवर लैंगिक अत्याचार केले.
- News18 Lokmat
- Last Updated :
- Ratnagiri, India
संबंधित बातम्या
रत्नागिरी, 13 जानेवारी : सातारा जिल्ह्यातील महाबळेश्वर येथे 10 जानेवारी रोजी आपल्या मेहुण्याच्या पाच वर्षाच्या चिमुरडीवर एका 65 वर्षीय नराधमाने लैंगिक अत्याचार केल्याची धक्कादायक घटना घडली होती. या वृद्धाला पकडण्यासाठी सातारा जिल्ह्यातल्या महाबळेश्वर पोलिसांनी रत्नागिरी पोलिसांच्या ''डायल 112'' वर कॉल केला. यानंतर पोलिसांनी तपासाला सुरूवात केली असता पोलिसांना हवा असलेला 65 वर्षीय वृद्ध खेड बस स्थानकात असल्याची गोपनीय माहिती पोलिसांना मिळाली होती. यानंतर खेड पोलिसांच्या कर्मचाऱ्यांनी अवघ्या 10 मिनिटात या संशयित आणि लैंगिक अत्याचारासंधार्भात पॉस्को अंतर्गत गुंग दाखल असलेल्या वृद्धाला पकडले.
काय आहे संपूर्ण प्रकरण -
पुणे स्थित असलेल्या 65 वर्षीय वृद्धाने महाबळेश्वर या ठिकाणी आपल्या मेहुण्याच्या अवघ्या 5 वर्षाच्या चिमुरडीवर लैंगिक अत्याचार केले आणि तेथून वृद्धाने पळ काढला होता. 10 जानेवारी रोजी सातारा जिल्ह्यातल्या महाबळेश्वर तालुक्यात ही घटना घडली होती. महाबळेश्वर पोलीस ठाण्यात पिढीत चिमुरडीच्या पालकांनी तक्रार दिल्यानंतर या वृद्धावर भादंवि कलम 376 ( अ,ब.) तसेच बालकांचे लैंगिक अत्याचारापासून संरक्षण अधिनियम - सण 2012 चे कलम 4,10 अन्वये गुन्हा दाखल करण्यात आला.
या गंभीर गुन्ह्यात महाबळेश्वर पोलिसांनी त्या वृद्धाचा शोध सुरू केला. अखेरीस हा वृद्ध रत्नागिरी जिल्ह्यातल्या खेड बस स्थानकात असल्याची खात्रीशीर माहिती महाबळेश्वर पोलिसांना मिळाली होती. त्यांनी डायल 112 चा वापर करत त्याअंतर्गत रत्नागिरी पोलिसांशी तत्काळ संपर्क साधला. 11 जानेवारी रोजी दुपारी दीड वाजताच्या सुमारास डायल 112 वरून रत्नागिरी पोलिसांना मॅसेज मिळाल्यानंतर खेड पोलिसांना तत्काळ कळवण्यात आले. खेड पोलीस ठाण्यातील प्रभारी पोलीस निरीक्षक सुजित गडदे आणि पोलीस शिपाई रुपेश जोगी यांनी तत्काळ खेड बस स्थानकात जाऊन अवघ्या 10 मिनिटात या संशयित आरोपीला ताब्यात घेतला.
हेही वाचा - पहिली पत्नी पोहोचली लग्न मंडपात अन् पतीचा दुसऱ्या लग्नाचा डाव फसला, VIDEO
पोलिसांचे आवाहन -
आपल्या परिसरात आणि गंभीर गुन्ह्याच्या घटनांबाबत मदत मिळवण्यासाठी 112 या हेल्पलाईनचा जास्तीत जास्त वापर करण्याचे आवाहन रत्नागिरी जिल्हा पोलीस अधीक्षक धनंजय कुलकर्णी आणि उपविभागीय पोलीस अधिकारी शशिकिरण काशीद यांनी केले आहे .
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
Tags: Crime news, Police, Ratnagiri, Satara, Sexual assault