)
नांदेड, 7 जून : राज्यसभेच्या (Rajya Sabha Election) सहा जागांसाठी सात उमेदवार रिंगणात उतरल्याने निवडणूक बिनविरोध होण्याचा मार्ग बंद झाला आणि आता प्रत्यक्ष मतदान प्रक्रिया होणार आहे. 10 जून रोजी मतदान प्रक्रिया पार पडणार आहे. या निवडणुकीत सहावा उमेदवार विजयी करण्यासाठी कुठल्याच पक्षाकडे आवश्यक तितकी मते नाहीयेत. त्यामुळे विजयी होण्यासाठी लहान पक्ष आणि अपक्ष आमदारांची मते आवश्यक आहेत. या निवडणुकीत एक-एक मत महत्त्वाचं आहे आणि त्यामुळेच आता मविआ (Mahavikas Aghadi) आणि भाजप (BJP) यांच्याकडून लहान पक्ष, अपक्षांना आपल्या गळाला लावण्याचे प्रयत्न सुरू झाले आहेत. शिवसेनेनं (Shiv Sena) आपल्या उमेदवारांना विजयी करण्यासाठी जोरदार मोर्चेबांधणी सुरू केली आहे. मुख्यमंत्री उद्धव ठाकरे यांनी वर्षा बंगल्यावर सोमवारी (6 जून) बैठक बोलावली होती. या बैठकीत शिवसेना आमदारांसह, शिवसेना समर्थक लहान पक्ष, अपक्ष आमदार उपस्थित होते. या बैठकीनंतर आमदारांना हॉटेलमध्ये बसेसने नेण्यात आले. MIM ची मते कुणाच्या पारड्यात? तर या निवडणुकीत एमआयएमचे आमदार कुणाला मतं देणार? महाविकास आघाडीच्या उमेदवारांना की भाजपच्या उमेदवारांना? या संदर्भात एमआयएमचे खासदार इम्तियाज जलिल यांनी म्हटलं, एमआयएम हा पक्ष गाढव आणि घोड्याशी खेळत नाही. आम्ही वाघाचे पिल्ले आहोत असं सांगत एमआयएमचे खासदार इम्तियाज जलील यांनी आपले आमदार तटस्थ राहणार असल्याचे संकेत दिले. वाचा : ‘आम्हाला आता टेन्शन नाही’ आमदारांना हॉटेलवर सोडल्यानंतर एकनाथ शिंदेंची सूचक प्रतिक्रिया राज्यसभा निवडणुकीच्या मतदानासंदर्भात निर्णय आज (मंगळवारी) पक्ष अध्यक्ष खासदार असदुद्दीन ओवैसी घेणार आहेत. आज एमआयएमच्या महाराष्ट्र राज्य कार्यकारणीची बैठक नांदेडमध्ये होणार आहे. एका लग्न संभारभासाठी ओवैसी नांदेडमध्ये रात्रीच आले. आज बैठक घेऊन ते राज्यसभा आणि राज्यातील आगामी महापालिका निवडणुकीबद्दल निर्णय घेणार आहेत. बविआची मते भाजपला? तर तिकडे बहुजन विकास आघाडीची मते मिळवण्यासाठीही शिवसेना नेत्यांकडून भेटीगाठी सुरू आहेत. त्यासोबतच भाजप नेत्यांनी सुद्धा हितेंद्र ठाकूर यांची भेट घेतली. मात्र, हितेंद्र ठाकूर यांनी आपली मते कुणाला देणार याबाबत अद्याप खुलासा केलेला नाहीये. सूत्रांकडून मिळालेल्या माहितीनुसार, बहुजन विकास आघाडी राज्यसभेत भाजपला मतदान करण्याची शक्यता आहे. हितेंद्र ठाकूर आणि त्यांच्या कुटूंबावर सध्या ईडीची देखील टांगती तलवार असल्याने बविआ भाजपला मतदान करण्याची शक्यता आहे. भाजपच्या पाठिशी कोण? भाजपचे 106 आमदार भाजपला पाठिंबा देणारे छोटे पक्ष व अपक्ष आमदार - 7 1) रासपचे राहूल कूल 2) जनसुराज्यचे विनय कोरे 3) रवी राणा 4) प्रकाश आवाडे 5) राजेंद्र राऊत 6) रत्नाकर गुट्टे 7) महेश बालदी,उरण एकूण - 113 आमदार भाजप आमदार लक्ष्मण जगताप गंभीर आजारी असल्यानं येणार नाहीत. त्यामुळं भाजपची मतं 112 होतील. दोन उमेदवारांना 84 मते दिल्यानंतर 28 मते शिल्लक राहतात. धनंजय महाडिकांना विजयासाठी पहिल्या पसंतीची आणखी 14 मतांची गरज पडणार आहे. भाजप धनंजय महाडिक यांना जिंकून आणण्यासाठी मोठा घोडेबाजार करणार हे आता उघड झालंय. तसे संकेतही भाजपच्या नेत्यांनी दिलेत. महाविकास आघाडीची मोर्चेबांधणी 1) शिवसेना - 55 2) राष्ट्रवादी काँग्रेस - 53 3) काँग्रेस - 44 4) सपा - 2 5) प्रहार - 2 6) स्वाभिमानी शेतकरी - 1 मविआ समर्थक इतर आमदार अपक्ष आमदार संख्या - 9 1) शंकरराव गडाख, अहमद नगर 2) राजेंद्र पाटील-येड्रावकर, कोल्हापूर 3) मंजुषा गावित, धुळे 4) गिता जैन, मीरा-भाईंदर 5) आशिष जयस्वाल, रामटेक 6) किशोर जोरगेवार, चंद्रपूर 7) चंद्रकांत पाटील, जळगाव 8) विनोद अगरवाल, गोंदिया 9) संजय शिंदे, करमाळा एकूण 166 आमदार (नवाब मलिक आणि अनिल देशमुख यांना कोर्टाने मतदान करण्यास परवानगी न दिल्यास 164) 164 आकडा धरल्यास 3 उमेदवारांना प्रत्येकी 42 मते दिल्यानंतरही महाविकास आघाडीकडे 38 मते शिल्लक राहतात. म्हणजे विजयासाठी 3 मतांची गरज भासणार आहे. त्यामुळे सध्या तटस्थ असणाऱ्या 8 आमदारांची मतं निर्णायक ठरणार आहेत. तटस्थ लहान पक्ष आणि आमदार 1) बहुजन विकास आघाडी - 3 2) शेकाप - 1 3) एमआयएम - 2 4) माकप - 1 5) मनसे - 1 तटस्थ आमदार संख्या एकूण - 8
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
