Rajya Sabha Election : मतदानाच्या तीन दिवसआधी असदुद्दीन ओवैसींची गुगली; 'भाजपला हरवायचंय?, खुलेपणाने मदत मागा' मविआ मदत मागणार?

नांदेड, 7 जून : राज्यसभा निवडणुकीसाठी (Rajya Sabha Election 2022) 10 जून रोजी मतदान होणार आहे. या निवडणुकीत सर्वच आमदारांची मते खूप महत्त्वाची आहेत. यामुळे लहान पक्ष आणि अपक्ष आमदारांचा भाव चांगलाच वाढला आहे. त्याच दरम्यान एमआयएम **(MIM)**कडून एक मोठी प्रतिक्रिया आली आहे. असदुद्दीन ओवैसी (Asaduddin Owaisi) यांनी एक गुगली टाकली आहे. आपल्याकडे महाविकास आघाडीने (Mahavikas Aghadi) अद्याप मतदानासाठी संपर्क साधलेला नाहीये, पण एमआयएमची गरज असेल तर संपर्क साधावा असं म्हणत मविआ उमेदवारांना मतदान करण्याचे संकेत दिले आहेत. असदुद्दीन ओवैसी यांनी म्हटलं, “राज्यसभेच्या निवडणुकीसंदर्भात महाविकासाठी कुणीही आमच्याशी संपर्क केलेला नाहीये. तसेच आमच्या आमदारासोबत संपर्कही केलेला नाहीये. त्यामुळे आम्ही पाहू… जर महाविकास आघाडीला मतांची आवश्यकता आहे तर त्यांनी एमआयएमसोबत संपर्क साधावा. जर आवश्यकता नसेल तर काही हरकत नाही. आम्हाला जो निर्णय घ्यायचा आहे तो आम्ही घेऊ.” राज्यसभेबाबत महाविकास आघाडीने अजून आमच्या सोबत किंवा आमच्या आमदारांशी संपर्क केला नाही . त्यांना जर एमआयएमची गरज असेल तर महाविकास आघाडीने संपर्क करावा अशी प्रतिक्रिया एमआयएमचे अध्यक्ष असद ओवेसी यांनी दिली. अर्थात महाविकास आघाडीने संपर्क केला तर एमआयएम राज्यसभेसाठी त्यांना मतदान करणार असल्याचे ओवेसी म्हणाले. त्यांनी जर संपर्क केला नाही तर आम्ही आमचा निर्णय घेऊ असं ओवैसी म्हणाले. MIM ची मते कुणाच्या पारड्यात? राज्यसभा निवडणुकीच्या मतदानासंदर्भात निर्णय आज (मंगळवारी) पक्ष अध्यक्ष खासदार असदुद्दीन ओवैसी घेणार आहेत. आज एमआयएमच्या महाराष्ट्र राज्य कार्यकारणीची बैठक नांदेडमध्ये होणार आहे. एका लग्न संभारभासाठी ओवैसी नांदेडमध्ये रात्रीच आले. आज बैठक घेऊन ते राज्यसभा आणि राज्यातील आगामी महापालिका निवडणुकीबद्दल निर्णय घेणार आहेत. भाजपच्या पाठिशी कोण? भाजपचे 106 आमदार भाजपला पाठिंबा देणारे छोटे पक्ष व अपक्ष आमदार - 7 1) रासपचे राहूल कूल 2) जनसुराज्यचे विनय कोरे 3) रवी राणा 4) प्रकाश आवाडे 5) राजेंद्र राऊत 6) रत्नाकर गुट्टे 7) महेश बालदी,उरण एकूण - 113 आमदार भाजप आमदार लक्ष्मण जगताप गंभीर आजारी असल्यानं येणार नाहीत. त्यामुळं भाजपची मतं 112 होतील. दोन उमेदवारांना 84 मते दिल्यानंतर 28 मते शिल्लक राहतात. धनंजय महाडिकांना विजयासाठी पहिल्या पसंतीची आणखी 14 मतांची गरज पडणार आहे. भाजप धनंजय महाडिक यांना जिंकून आणण्यासाठी मोठा घोडेबाजार करणार हे आता उघड झालंय. तसे संकेतही भाजपच्या नेत्यांनी दिलेत. वाचा :  विधानपरिषद निवडणूक : शिवसेनेकडून दोन नावे निश्चित झाल्याची माहिती, सचिन अहिर आणि आमशा पाडवी यांना उमेदवारी? महाविकास आघाडीची मोर्चेबांधणी 1) शिवसेना - 55 2) राष्ट्रवादी काँग्रेस - 53 3) काँग्रेस - 44 4) सपा - 2 5) प्रहार - 2 6) स्वाभिमानी शेतकरी - 1 मविआ समर्थक इतर आमदार अपक्ष आमदार संख्या - 9 1) शंकरराव गडाख, अहमद नगर 2) राजेंद्र पाटील-येड्रावकर, कोल्हापूर 3) मंजुषा गावित, धुळे 4) गिता जैन, मीरा-भाईंदर 5) आशिष जयस्वाल, रामटेक 6) किशोर जोरगेवार, चंद्रपूर 7) चंद्रकांत पाटील, जळगाव 8) विनोद अगरवाल, गोंदिया 9) संजय शिंदे, करमाळा एकूण 166 आमदार (नवाब मलिक आणि अनिल देशमुख यांना कोर्टाने मतदान करण्यास परवानगी न दिल्यास 164) 164 आकडा धरल्यास 3 उमेदवारांना प्रत्येकी 42 मते दिल्यानंतरही महाविकास आघाडीकडे 38 मते शिल्लक राहतात. म्हणजे विजयासाठी 3 मतांची गरज भासणार आहे. त्यामुळे सध्या तटस्थ असणाऱ्या 8 आमदारांची मतं निर्णायक ठरणार आहेत. तटस्थ लहान पक्ष आणि आमदार 1) बहुजन विकास आघाडी - 3 2) शेकाप - 1 3) एमआयएम - 2 4) माकप - 1 5) मनसे - 1 तटस्थ आमदार संख्या एकूण - 8

• Follow us on