Pune ATSची मोठी कारवाई, जुनैद दहशतवादी प्रकरणी चौथ्या संशयिताला अटक

पुणे, 13 जून : जम्मू काश्मीरमधील दहशतवादी (Terrorist) संघटनांच्या संपर्कात आलेल्या बुलडाण्यातील जुनैद मोहम्मद या तरूणाला एटीएसनं (Pune ATS) यापूर्वी अटक केली होती. याप्रकरणी आता आणखी एका तरुणाला अटक करण्यात आली आहे. युसूफ असे या अटक करण्यात आलेल्या तरुणाचे नाव आहे. युसूफला जम्मू काश्मिरमधून अटक करण्यात आली. पुण्यातील दहशतवादी विरोधी पथकानं (Pune ATS) अटक केली आहे. जम्मू काश्मीरमधील दहशतवादी संघटनांच्या संपर्कात आलेल्या बुलडाण्यातील जुनैद मोहम्मद या तरूणाला एटीएसनं यापूर्वी अटक केली होती. युसूफवर जुनैदला पैसे पुरवल्याचा संशय आहे. त्याला पुणे न्यायालयात हजर केले जाणार आहे. जुनैद दहशतवादी प्रकरणी चौथ्या संशयिताला अटक करण्यात आली आहे. कोण आहे जुनेद - दहशतवाद विरोधी पथकानं पुण्यात यापूर्वी अटक केलेला जुनैद मोहम्मद हा मुळचा बुलडाण्याचा आहे. याबाबत मिळालेल्या माहितीनुसार 10 वी नापास असलेला जुनैद सोशल मीडियाच्या माध्यमातून दहशतवादी संघटनेच्या संपर्कात आला. तो लष्कर ए तोयबा दहशतवादी संघटनेच्या संपर्कात आला होता. लष्कर-ए-तोयबा या दहशतवादी संघटनेसाठी काम करण्यासाठी त्याला पैसे मिळत होते. जम्मू काश्मीरमधून पैसे मिळाल्याचं तपासात निष्पन्न झालं आहे. जुनेदने 10 हजार रुपये घेतले होते. दिल्ली स्पेशल सेलने महाराष्ट्र एटीएसला जुनैद याच्यावर नजर ठेवण्यास सांगितले होते. त्यानंतर आठवडाभर चौकशी केल्यानंतर 10 हजार रुपये घेतल्याचं मोहम्मद जुनैद याने मान्य केलं. जुनैद आणि इमानूल हे दोघंही एकमेकांच्या संपर्कात होते. जुनैदच्या अटकेनंतर मिळालेल्या माहितीनुसार पुणे एटीएसनं इमानूलला उत्तर प्रदेशातून अटक केली आहे. हेही वाचा -  पुणे पोलीस ‘अ‍ॅक्शन मोड’मध्ये… पुण्यासह राज्याच्या सुरक्षेच्या दृष्टीने 24 तासात 4 मोठ्या कारवाया याआधी केलीये इमानूल हकला अटक - युसूफच्या आधी दहशतवादी संघटना असलेल्या लष्कर-ए-तोयबासाठी (Lashkar e taiba**)** काम करणाऱ्या तरूणाला पुण्यातील दहशतवादी विरोधी पथकानं (Pune ATS) उत्तर प्रदेशात अटक केली होती. इमानूल हक (Inamul Haq) असं या तरूणाचं नाव आहे. त्याला उत्तर प्रदेशातील सहारनपूरमध्ये अटक करण्यात आली.

• Follow us on