)
मुंबई 31 जुलै : सकाळपासून ईडीचं पथक संजय राऊत यांच्या घरी दाखल झालेलं आहे. राऊत कुटुंबीयांची सध्या ईडीकडून चौकशी सुरू आहे. ईडीने समन्स बजावूनही राऊत अधिकाऱ्यांसमोर हजर झाले नव्हते. यानंतर ईडीने थेट त्यांच्या घरी जाऊन चौकशी सुरू केली. यावरुन आता भाजपचे आमदार नितेश राणे यांनी संजय राऊतांना टोला लगावला आहे. ‘तरीही शिवसेना सोडणार नाही’ ईडीच्या कारवाईनंतर संजय राऊतांची पहिली प्रतिक्रिया राणे म्हणाले, शिवसेनेचे नेते संजय राऊत यांच्या घरी ईडीची अद्यापही चौकशी सुरू आहे. कोणत्याही प्रकारची कारवाई झालेली नाही. या अगोदरही ईडीच्या तीन वेळा नोटीसा संजय राऊत यांना गेल्या होत्या. मात्र हे महाशय वेगवेगळी कारणं देऊन पळायचे. पळकुट्या व्यक्तींमधील ते एक व्यक्ती आहेत. तुम्ही जर कोणत्याही घोटाळ्यात सहभागी नसाल तर तीन-तीन वेळा ईडीची चौकशी का चुकवता? असा प्रश्न नितेश राणे यांनी उपस्थित केला. पुढे ते म्हणाले, की तुम्हाला जे काही सत्य सांगायचे होतं ते तुम्ही ईडीला जाऊन सांगितलं असतं तर आजची सकाळ खराब झाली नसती. दररोज सकाळी येऊन तुम्ही महाराष्ट्राची सकाळ खराब करायचे, आज तुमची सकाळ खराब झाली आहे. संजय राऊत यांची ईडीकडून चौकशी सुरु असलेलं पत्राचाळ प्रकरण नेमकं काय आहे? ईडीचं पथक घरी दाखल होताच संजय राऊत यांनी आपल्या ट्विटरवरुन काही ट्विट केले होते. यात त्यांनी म्हटलं होतं, की ‘तरीही मी शिवसेना सोडणार नाही. महाराष्ट्र आणि शिवसेना लढत राहील. खोटी कारवाई, खोटे पुरावे.. मी शिवसेना सोडणार नाही. मरेन पण शरण जाणार नाही’. यावरुनही नितेश राणे यांनी राऊतांवर निशाणा साधला.. राणे म्हणाले ‘तुम्हाला शिवसेनेतून दुसऱ्या पक्षात बोलवत कोण आहे? तुमच्यासारखी घाण कुठल्याच पक्षाला नको आहे. तोंडातून थुकलेला चिविंगम आहे, तो कोणाला उचलून घ्यायचा आहे. त्यामुळे अनिल देशमुख, नवाब मलिक यांच्या बाजूला शिवथाळी खाण्यासाठी तयार व्हावं, असंही राणे म्हणाले.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
