नागपूर : जन्मदात्याकडूनच भयानक कांड, 14 महिन्यांच्या मुलीला रेल्वेत सोडून रचला अपहरणाचा कट

नागपूर, 11 नोव्हेंबर : राज्यात दिवसेंदिवस गुन्हेगारीच्या घटनांमध्ये वाढ होत आहे. त्यातच आता क्राईम सिटी मानल्या जाणाऱ्या नागपूर येथून एक धक्कादायक बातमी समोर आली आहे. स्वतःच्या 14 महिन्यांच्या मुलीला रेल्वेत सोडून अपहरणाचा कट रचल्याची धक्कादायक घटना उघडकीस आल्याने खळबळ उडाली आहे. कृष्णकुमार राजकुमार कोसले या आरोपीने हा प्रताप केला आहे. त्याने केलेली ही बनवाबनवी पोलीस तपासात उघड झाली आहे. त्याने नागपूर रेल्वे स्थानकावर आईचे लक्ष नसताना मुलीला जबलपूर-अमरावती एक्सप्रेसमध्ये बसवले. यानंतर आरोपी पत्नीसह चेन्नई-रायपूर प्रवास करत होता. त्याने नागपूर रेल्वे स्थानकावर थांबला असता आपल्या अपहरणाचा कट रचला. पोलीस तपासात त्याने केलेल्या गुन्ह्याची कबुली दिली आहे. दरम्यान, याप्रकरणी पोलिसांकडून मुलीचा शोध सुरू आहे. हेही वाचा -  BP लो झाल्याने सरकारी रुग्णालयात गेली महिला, डॉक्टरने भयानक पद्धतीने केले उपचार; VIDEO VIRAL 60 लाखांचे दागिने घेऊन चोरटा निघाला विदेशात… नागपूरमध्ये काही दिवसांपूर्वी शांती नगर पोलीस स्टेशन हद्दीत 73 लाख रुपयांची चोरी झाली होती. आता या प्रकरणात धक्कादायक खुलासा झाला आहे. व्यसनाधीन असलेल्या एका 28 वर्षीय तरुणानेच ही चोरी केल्याची माहिती समोर आली आहे. पोलिसांनी दिलेल्या माहितीनुसार, जाफर जावेद थारा असं अटकेतील तरुणाचं नाव आहे. तर वाजीद वल्द गफ्फुर अली असे सहकऱ्याचे नाव आहे. या दोघांना एकूण 13 लाख रुपये रोख आणि सोन्याच्या दागिन्यांसह 60 लाख रुपयांचा मुद्देमाल चोरला होता. पोलिसांनी अखेर चौकशी अंती या दोघांकडून हा मुद्देमाल हस्तगत केला आहे. या घटनेत मुलासह आणखी एका सहकऱ्याला अटक केली आहे. इलेक्ट्रॉनिक लोकर तोडणारा एका तरुणाला पोलिसांनी ताब्यात घेतले आहे.

• Follow us on