अविनाश भोसलेंचा कोठडीत मुक्काम वाढला, कोर्टाने CBI ला दिली नवी परवानगी

मुंबई, 31 मे :  यस बँक आणि DHFL घोटाळा प्रकरणी  पुण्यातील प्रसिद्ध उद्योजक अविनाश भोसले (Avinash Bhosle) यांना सीबीआयने अटक केली आहे. आज त्यांनी मुंबई सत्र न्यायालयात हजर करण्यात आले असता 8 जून पर्यंत सीबीआय कोठडी सुनावली आहे. तसंच, अविनाश भोसले यांना आता राज्याबाहेर नेऊन सुद्धा तपास करता येणार आहे. अविनाश भोसले यांना YES BANK/DHFL घोटाळा प्रकरणात अटक केली होती. त्यानंतर त्यांना सीबीआय कोठडीत ठेवण्यात आले होते. आज त्यांची कोठडी संपत आली होती. त्यानंतर आज भोसले यांना मुंबई सत्र न्यायालयातील विशेष सीबीआय कोर्टात हजर करण्यात आले होते.  २८, ३०  आणि ३१ मे अशी ३ दिवस युक्तीवाद करण्यात आला होता.  यावेळी अविनाश भोसले यांना ८ जूनपर्यंत CBI कोठडी सुनावण्यात आली आहे. त्याचबरोबर सीबीआय आता अविनाश भोसले यांना राज्याबाहेर सुद्धा घेऊन जाऊन तपास करू शकते, याबद्दलची परवानगी न्यायालयाने दिली आहे. गेल्या वर्षी जून 2021 मध्ये अविनाश भोसले आणि त्यांच्या कुटुंबीयातील सदस्यांच्या नावावर असलेली तब्बल 40 कोटी 34 लाख रुपयांची संपत्ती ईडीकडून जप्त करण्यात आली होती. विदेशी मुद्रा प्रबंधन अधिनियमांतर्गत ही कारवाई करण्यात आली होती. आता DHFL घोटाळा प्रकरणानंतर त्यांना सीबीआयकडून अटक करण्यात आली आहे. कोण आहेत अविनाश भोसले? महाराष्ट्रातील अहमदनगर जिल्ह्यातील संगमनेश शहरातून अविनाश भोसले रोजगाराच्या शोधात पुण्यात आले होते. त्यांनी आपल्या करिअरची सुरुवात रिक्षा चालक म्हणून केली होती. त्यावेळी ते पुण्यातील रस्ता पेठ भागात भाड्याच्या घरात राहत होते. अविनाश भोसले यांनी हळूहळू बांधकाम उद्योगाशी संबंधित लोकांशी ओळख वाढवली. यानंतर ते रस्ते तयार करण्याचं छोटं-मोठं काम घेऊ लागले. यानंतर ते पूर्णपणे बांधकाम व्यवसायात शिरले आणि आज कोट्यवधी रुपयांच्या  ABIL ग्रुपचे मालक आहेत. ( चंद्राच्या गाण्याने थेट श्रेया घोषालला लावलं वेड! चंद्रमुखीचा fever अजूनही कायम ) अविनाश भोसले कृषी राज्यमंत्री विश्वजीत कदम यांचे सासरे आहेत. महाविकास आघाडी सरकारमध्ये अविनाश भोसले यांचे चांगले संबंध असल्याचं मानलं जातं. पुणे आणि मुंबई बांधकाम उद्योगात अविनाश भोसले यांचं मोठं नाव आहे. देशभरात यांची कंपनी बांधकाम क्षेत्रात प्रसिद्ध आहे.

• Follow us on