)
अमित राय, प्रतिनिधी ठाणे, 6 ऑक्टोबर : आज ठाण्यातील टिटवाळा येथे एका महिलेला मारहाण झाल्याची घटना घडली होती. या घटनेचा व्हिडिओही व्हायरल झाला आहे. ही घटना ताजी असतानाच ठाण्यातून आणखी एक धक्कादायक बातमी समोर आली आहे. मात्र, ही घटना काल बुधवारी दसऱ्याच्या दिवशी सायंकाळी घडली. नेमकं काय घडलं - बुधवारी संध्याकाळी पावणे आठच्या दरम्यान ठाणे ते पनवेल या दिशेने जाणाऱ्या लोकलमध्ये तुंबळ हाणामारीची घटना घडली. लोकलमधील बसण्याच्या आसनवरून तीन महिलांमध्ये तुंबळ हाणामारी झाली. ठाण्यावरून बसलेल्या मायलेकी आणि नात या पनवेलचे दिशेने जात होत्या. यावेळी कोपरखैरणे येथे महिला चढली. यानंतर तुर्भेत जागा झाली. यामुळे ती बसली असता छोट्या मुलीला बसू दिलं नाही, यावरून शाब्दिक बाचाबाची होत असताना याचं रूपांतर मारामारीत झालं. या लोकलमध्ये नेरूळ वरून महिला पोलीस कर्मचारी भांडण सोडवण्यासाठी चढल्या असतात त्यांना देखील या मारहाणीत दुखापत झाली आहे. यासंदर्भात वाशी पोलीस ठाण्यात ठाण्यावरून चढलेल्या माय लेकीवर गुन्हा दाखल झाला आहे.
बुधवारी संध्याकाळी ठाणे ते पनवेल या दिशेने जाणाऱ्या लोकलमधील महिला डब्यात तुंबळ हाणामारी #local pic.twitter.com/QhrfoBAUZh
— News18Lokmat (@News18lokmat) October 6, 2022
हेही वाचा - ठाण्यात महिलेसोबत भर रस्त्यावर जोरदार मारहाण, पाहा VIDEO टिटवाळ्यात महिलेलाही मारहाण - ठाण्यातील टिटवाळा येथून एक धक्कादायक बातमी समोर आली आहे. याठिकाणी एका महिलेला जोरदार मारहाण करण्यात आली आहे. तसेच मारहाणीच्या घटनेचा व्हिडिओ सोशल मीडियावर व्हायरल होत आहे. मात्र, या महिलेला मारहाण का करण्यात आली, याचे कारण अजून स्पष्ट झालेले नाही. ही घटना आज सकाळी घडली.
व्हिडिओमध्ये दिसत आहे की, काही महिला मिळून एक महिलेला कशाप्रकारे जोरदार मारहाण करत आहेत. दरम्यान, ही धक्कादायक घटना टिटवाळा येथील गणेश मंदिर परिसरातील असल्याची माहिती मिळाली आहे.
+6
फोटो
