मुंबई, 01 जुलै : मुंबईत धावत्या लोकलमध्ये स्टंटबाजी करणाऱ्या एका युवकाला वडाळा रेल्वे पोलिसांनी अटक केली आहे. मोसिन मोहम्मद नावाचा हा युवक आज सकाळी चेंबूर ते वडाळा स्थानकादरम्यान लोकलने जात असताना दरवाज्यात उभा राहून स्टंटबाजी करत होता. त्यावेळी जीआरपी कर्मचाऱ्याने पाहिलं आणि वडाळा स्टेशन येताच त्याला ताब्यात घेतलं. तरुणावर वडाळा रेल्वे पोलिसांनी गुन्हा दाखल करत त्याच्यावर कारवाई केली आहे.
