)
मुंबई, 11 ऑक्टोबर : महाराष्ट्राच्या राजकारणातील सर्वात महत्त्वाची बातमी समोर आली आहे. काल निवडणूक आयोगाकडून उद्धव ठाकरे गटाला नवं नाव आणि नवं चिन्ह दिल्यानंतर आता शिंदे गटालाही नवं चिन्ह मिळालं आहे. निवडणूक आयोगाकडून याबाबत घोषणा करण्यात आली आहे. शिंदे गटाच्या पक्षाचं नाव बाळासाहेबांची शिवसेना असून ढाल-तलवारीचं चिन्ह देण्यात आली आहे. शिंदे गट - बाळासाहेबांची शिवसेना - ढाल-तलवार ठाकरे गट - शिवसेना उद्धव बाळासाहेब ठाकरे - धगधगती मशाल
त्रिशूळ आणि गदा आधीच केली बाद… निवडणूक आयोगाने उद्धव ठाकरे आणि एकनाथ शिंदे यांनी दिलेल्या पहिल्या पसंतीची त्रिशूळ आणि गदा ही दोन्ही चिन्ह बाद केली होती. त्रिशूळाची शिंदे आणि ठाकरे दोन्ही गटाकडून मागणी करण्यात आली होती. धार्मिक चिन्ह असल्यानं निवडणूक आयोगाने त्रिशूळ आणि गदा ही दोन्ही चिन्ह बाद केली आहेत. त्यानंतर ठाकरे गटाने दिलेल्या दुसऱ्या पसंतीवरील मशालला चिन्हाला निवडणूक आयोगाने शिक्कामोर्तब केलं आहे. शिवसेनेच्या ठाकरे गटाला धगधगती मशाल शिवसेनेच्या ठाकरे गटाला निवडणूक चिन्ह म्हणून पेटती मशाल देण्यात आली आहे. तर शिवसेना उद्धव बाळासाहेब ठाकरे हे त्यांच्या पक्षाचं नाव असणार आहे. तर शिंदे गटाला नव्याने तीन चिन्ह देण्यास निवडणूक आयोगाकडून सांगण्यात आलं आहे. यापूर्वी निवडणूक आयोगाने त्रिशूळ आणि गदा ही दोन्ही चिन्ह बाद केली.
निवडणूक आयोगाविरोधात ठाकरे कोर्टात निवडणूक आयोगाने शिवसेनेचं धनुष्यबाण हे चिन्ह गोठवण्याचा निर्णय घेतला. या निर्णयामुळे राज्यातले वातावरण ढवळून निघाले आहे. शिवसेनेनं आता दिल्ली हायकोर्टामध्ये धाव घेतली आहे. दिल्ली हायकोर्टामध्ये निवडणूक आयोगाच्या निर्णयाला आव्हान देण्यात आले आहे. शिवसेनेचे पक्षचिन्ह असलेले धनुष्यबाण निवडणूक आयोगाने गोठावण्याचा निर्णय घेतला. या निर्णयामुळे शिवसेनेला जबर धक्का बसला आहे. याआधी सर्वोच्च न्यायालयामध्ये जाणार असल्याची चर्चा रंगली होती. पण अखेरीस आता दिल्ली हायकोर्टामध्ये शिवसेनेनं याचिका दाखल केली आहे. या याचिकेवर आज किंवा उद्या सुनावणी होणार असल्याची माहिती शिवसेनेचे नेते अनिल देसाई यांनी दिली.
+6
फोटो
