)
पुणे, 5 जानेवारी : धनंजय मुंडे यांच्या प्रकृतीबाबत राष्ट्रवादी काँग्रेसचे नेते अजित पवार यांनी मोठी अपडेट दिली आहे. धनंजय मुंडेंची सातवी आणि आठवी बरगडी फ्रॅक्चर झाली आहे, त्यांना पाच-सहा दिवस रुग्णालयात विश्रांती करावी लागणार आहे, असं अजित पवार म्हणाले. मुंबईतल्या ब्रिच कँडी रुग्णालयात धनंजय मुंडे यांच्यावर उपचार सुरू आहेत, त्याबाबत मी सकाळ-संध्याकाळ डॉक्टरांसोबत चर्चा करत आहे, त्यांना विश्रांतीची गरज असून त्यांना भेटायला जाण्यासाठी कुणीही गर्दी करू नये. धनंजय मुंडे यांना पाच-सहा दिवस रुग्णालयात विश्रांती करावी लागणार आहे, मी डॉक्टरांना सांगितलं आहे, त्यांना जेवढे दिवस रुग्णालयात ठेवायचं आहे तेवढे दिवस ठेवा, पण कार्यकर्त्यांनी गर्दी करू नये, असं अजित पवार यांनी सांगितलं. मतदारसंघातील कार्यक्रम व भेटी आटोपून परळीकडे परतत असताना राष्ट्रवादीचे माजी मंत्री धनंजय मुंडे यांचा 4 जानेवारीला मध्यरात्री साडेबाराच्या सुमारास अपघात झाला. चालकाचे वाहनावरील नियंत्रण सुटल्यानं हा अपघात झाल्याचं समोर आलं आहे. या अपघातामध्ये मुंडे यांच्या छातीला दुखापत झाली.
अपघातानंतर धनंजय मुंडे यांना परळीतल्या रुग्णालयात दाखल करण्यात आलं, यानंतर काल त्यांना मुंबईत एअरलिफ्ट करण्यात आलं.
+6
फोटो
