)
गणेश गायकवाड, प्रतिनिधी अंबरनाथ, 5 एप्रिल : भारताच्या संरक्षण मोहिमेत अद्यायावत शस्त्रांची निर्मिती करणाऱ्या आयुध निर्माणी कारखान्यातील कर्मचाऱ्यांनी व्हेंटिलेटरची यशस्वीरित्या निर्मिती केली आहे. हा व्हेंटिलेटर ‘कोरोना’ विषाणूमुळे उद्भविलेल्या परिस्थितीत रूग्णांना वरदान ठरणार आहे. अवघ्या आठ दिवसात कंपनीच्या कामगारांनी रुग्णाला श्वाास घेण्यास सोपे जाणारी ही यंत्रणा विकसीत केली आहे. अंबरनाथ मशीन टुल प्रोटोटाईप फॅक्टरीमध्ये तयार केलेला हा व्हेंटिलेटर मोटार आणि काही पॅरामेडिकल सुटे भाग वगळता हा संपूर्ण व्हेंटिलेटर कारखान्यात उपलब्ध असणाऱ्या साधनांतून बनवण्यात आला आहे. रुग्णाच्या गरजेनुसार दर मिनिटांला 12 ते 30 वेळा श्वाास घेता येऊ शकणारी व्यवस्था या व्हेंटिलेटरमध्ये आहे. थेट वीज आणि बॅटरी अशा दोन्ही पद्धतीने हे व्हेंटिलेटर काम करते. तीन तासांचा बॅटरी बॅकअप असल्याने रुग्णवाहिकेत रुग्णाला त्याचा उपयोग होऊ शकतो.
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
+6
फोटो
