)
Chikhal Kala: जून महिन्यात जगभरातील विठ्ठल भक्तांना विठ्ठल-रूक्माई भेटीचे वेध लागतात. आषाढी एकादशीचा सोहळा पार पडल्यानंतर गोव्यात चिखल काला उत्सव साजरा केला जातो. चिखल काला म्हणजे कपडे काढून उघड्या अंगाने चिखलात अक्षरश: लोळणे. यावेळी अनेक मनोरंजन करणारे अनेक खेळ खेळले जातात. माशेल येथिल देवकी कृष्ण मंदीरात या चिखल काल्याचे आयोजन करण्यात आले होते. एकमेकांच्या अंगावर चिखल उडवत विठुरायाच्या गजरात दंग होऊन चिखल काला खेळला जातो. रामकृष्ण हरी, पांडुरंग हरी असा जयघोष करत सर्व वायोगतले पुरुष हा चिखलकाला खेळतात. गोव्याचे असे अनेक सण आहेत जे फक्त गोव्यातच साजरे केले जातात. चिखल काला हा असाच एक सण आहे. हा सण आषाढ महिन्याच्या 12 व्या दिवशी साजरा केला जातो. इंग्रजी दिनदर्शिकेनुसार ते जुलैच्या दुसऱ्या किंवा तिसऱ्या आठवड्यात येते. ऋतूनुसार, तो पावसाळ्याच्या मध्यभागी येतो, जो गोव्याचा मुख्य हंगाम आहे. पावसाळ्यातील हा अतिशय उत्साही सण आहे. या उत्सवाची परंपरा 400 वर्षे जुनी असल्याचं म्हटलं जातं. यामध्ये लहानांपासून तर मोठ्यांपर्यंत सर्वच पुरुष हे उघड्या अंगाने चिखलात लोळत विविध खेळ खेळत असतात. यावेळी जय हरी विठ्ठलचा गजर केला जातो.
आषाढी एकादशीचा सोहळा पार पडल्यानंतर गोव्यात चिखल काला उत्सव साजरा केला जातो. यावेळी अनेक मनोरंजन करणारे अनेक खेळ खेळले जातात. माशेल देवकी कृष्ण मंदिरात चिखल काल्याचं आयोजन करण्यात आलं होतं. #AshadhiEkadashi #Goa #News18Lokmat #ChikhalKala pic.twitter.com/vJqw7VGeX9
— News18Lokmat (@News18lokmat) June 30, 2023
का साजरा केला जातो हा सण हा सण भगवान श्रीकृष्णाच्या बालपणातील खेळकर आणि खोडकर स्वभावाच्या स्मरणार्थ साजरा केला जातो. चिखल काला हा बाळकृष्णाने त्याच्या आई आणि ब्रिजमधील लोकांसोबत खेळलेला सण आहे. हा एक पुरुषप्रधान सण आहे ज्यात लहानांपासून मोठ्यांपर्यंत सर्वजण बाळकृष्णाचे रूप धारण करतात. मोठ्या प्रमाणात स्थानिक नागरिक या उत्सवात सहभागी होत असतात.
+6
फोटो
