)
मुंबई, 14 जुलै : राष्ट्रवादी काँग्रेसचे नेते अजित पवार गट सत्तेत सहभागी झाल्यानंतर खातेवाटपाचा तिढा निर्माण झाला होता. खातेवाटपासाठी राज्यात बैठकांचा सपाटा सुरू होता. मधेच काही नेत्यांच्या दिल्लीवाऱ्याही झाल्या. अखेर हा गुंता सुटला असून खातेवाटप जाहीर झालं आहे. राज्य मंत्रिमंडळातील नवनियुक्त मंत्र्यांच्या खातेवाटपाबरोबरच सध्याच्या मंत्र्यांच्या खात्यांमध्ये देखील काही फेरबदल करून मुख्यमंत्री एकनाथ शिंदे यांनी आज खातेवाटप जाहीर केले आहे. राज्यपाल रमेश बैस यांनी मंजुरी दिल्यानंतर हे खातेवाटप जाहीर करण्यात आले आहे. दरम्यान, यानंतर देवेंद्र फडणवीस यांनी एक सूचक ट्विट केलं आहे. उपमुख्यमंत्री देवेंद्र फडणवीस यांचं ट्विट काय आहे? उपमुख्यमंत्री देवेंद्र फडणवीस यांनी खातेवाटप जाहीर झाल्यानंतर फक्त एका शब्दाचं ट्विट केलं आहे. ‘डेस्क क्लिअर्ड’ म्हणत फोटो शेअर केलेत. वित्त, नियोजन, गृहनिर्माण अशी महत्त्वाची खाती सोडल्यानंतर फडणवीस यांचे ट्विट आलं आहे. सोडलेल्या खात्यांची प्रलंबित काम लावले मार्गी. आज दिवसभर कामकाज संपवत फडणवीस यांनी हे ट्विट केल्याने अनेक अर्थ काढले जात आहेत.
Desk cleared ! pic.twitter.com/vs1Ed3gVBQ
— Devendra Fadnavis (@Dev_Fadnavis) July 14, 2023
मुख्यमंत्री एकनाथ शिंदे यांच्याकडे सामान्य प्रशासन, नगर विकास, माहिती व तंत्रज्ञान, माहिती व जनसंपर्क, परिवहन, सामाजिक न्याय, पर्यावरण व वातावरणीय बदल, खनिकर्म आणि इतर कोणत्याही मंत्र्यांना वाटप न केलेले विभाग उपमुख्यमंत्री देवेंद्र फडणवीस यांच्याकडे गृह, विधी व न्याय, जलसंपदा व लाभक्षेत्र विकास, ऊर्जा, राजशिष्टाचार ही खाती असतील. उपमुख्यमंत्री अजित पवार यांच्याकडे वित्त व नियोजन हे खाते राहील. इतर 26 मंत्र्यांची खाती पुढीलप्रमाणे: छगन भुजबळ – अन्न व नागरी पुरवठा व ग्राहक संरक्षण दिलीपराव दत्तात्रय वळसे-पाटील – सहकार राधाकृष्ण विखे-पाटील - महसूल, पशुसंवर्धन आणि दुग्ध व्यवसाय विकास सुधीर सच्चिदानंद मुनगंटीवार- वने, सांस्कृतिक कार्य, व मत्स्य व्यवसाय हसन मियाँलाल मुश्रीफ – वैद्यकीय शिक्षण व विशेष सहाय्य चंद्रकांतदादा बच्चू पाटील - उच्च व तंत्रशिक्षण, वस्त्रोद्योग आणि संसदीय कार्य विजयकुमार कृष्णराव गावित- आदिवासी विकास गिरीष दत्तात्रय महाजन- ग्राम विकास आणि पंचायत राज, पर्यटन वाचा - मोठी बातमी! बंडखोरीनंतर पहिल्यांदाच अजित पवार सिल्व्हर ओकवर दाखल; काय आहे कारण? गुलाबराव पाटील- पाणीपुरवठा व स्वच्छता दादाजी दगडू भुसे- सार्वजनिक बांधकाम (सार्वजनिक उपक्रम) संजय दुलिचंद राठोड- मृद व जलसंधारण धनंजय पंडितराव मुंडे - कृषि सुरेशभाऊ दगडू खाडे- कामगार संदीपान आसाराम भुमरे- रोजगार हमी योजना व फलोत्पादन उदय रविंद्र सामंत- उद्योग प्रा.तानाजी जयवंत सावंत- सार्वजनिक आरोग्य व कुटुंब कल्याण रवींद्र दत्तात्रय चव्हाण – सार्वजनिक बांधकाम (सार्वजनिक उपक्रम वगळून), अब्दुल सत्तार- अल्पसंख्याक विकास व औकाफ, पणन दीपक वसंतराव केसरकर- शालेय शिक्षण व मराठी भाषा
धर्मरावबाबा भगवंतराव आत्राम – अन्न व औषध प्रशासन अतुल मोरेश्वर सावे – गृहनिर्माण, इतर मागास व बहुजन कल्याण शंभूराज शिवाजीराव देसाई- राज्य उत्पादन शुल्क कु. अदिती सुनिल तटकरे – महिला व बालविकास संजय बाबुराव बनसोडे – क्रीडा व युवक कल्याण, बंदरे मंगलप्रभात लोढा- कौशल्य विकास, उद्योजकता व नाविन्यता अनिल पाटील – मदत पुनर्वसन, आपत्ती व्यवस्थापन
+6
फोटो
