शेतात काम करून झाले MBBS, भावंडानांही शिकवलं; खडसे, काकडेंवर मात करणारे असे आहेत भाजपचे उमेदवार

मुंबई 12 मार्च : महाराष्ट्रात आता राज्यसभेचं चित्र स्पष्ट झालं आहे. भाजपने तीन उमेदवारांची यादी जाहीर केली आहेत. त्यात दोन दिग्गजांना डावलून भाजपने मराठवाड्यातले पक्षाचे नेते डॉ. भागवत कराड यांना उमेदवारी जाहीर केलीय. कराड हे गोपीनाथ मुंडे गटाचे नेते समजले जातात. ज्येष्ठ नेते एकनाथ खडसे आणि बिल्डर असलेले संजय काकडे यांना डावलून भाजपने कराडांना उमेदवारी दिली आहे. मराठवाड्यातले प्रसिद्ध बालरोगतज्ज्ञअसलेले कराड हे पक्षाचे निष्ठावान कार्यकर्ते समजले जातात. कराडांची निवड हा खडसेंना धक्का मानला जातो. मात्र आपण दिल्लीसाठी उत्सुक नव्हतोच, राज्याच्या राजकारणात आपल्याला राहायचं आहे अशी प्रतिक्रिया एकनाथ खडसे यांनी व्यक्त केलीय. अतिशय कष्ट करत आपण MBBS झालो, भावंडांनाही शिकवलं, शेती केली असं त्यांनी आपल्या फेसबुकवर ओळख देताना म्हटलं आहे.

भागवत हे 1995 ते 2009 पर्यंत 3 वेळा औरंगाबादचे नगरसेवक होते. 1999 आणि 2006 असे दोन वेळा औरंगाबादचे महापौर होते. 2009मध्ये भाजपातर्फे औरंगाबाद पूर्व मतदार संघातून निवडणूक लढवली पण पराभूत झाले.भाजपमध्ये शहर सरचिटणीस, शहर जिल्हाध्यक्ष, मनपा गटनेता व भटक्या विमुक्त आघाडीचा अध्यक्ष अशा अनेक जबाबदाऱ्या त्यांनी सांभाळल्या. सध्या ते पक्षात प्रदेश चिटणीस म्हणून जबाबदारी सांभाळत आहेत.

लातूर जिल्ह्यातल्या अहमदपूर तालुक्यातलं चिखली हे त्यांचं मुळ गाव. त्यांचे वडिल शेतकरी होते.  त्यांनी म्हटलंय की आमच्याकडे शेतीसुद्धा कोरडवाहू व जेमतेम 7 एकर होती. माझे सातवी पर्यंतचे शिक्षण चिखली या जि. प.च्या शाळेत झाले तर 8 वी ते 10 वी पर्यंतचे शिक्षण 5 कि. मी. लांब असलेल्या अंधोरी जि. प. शाळेत झाले.

दिग्गजांना डावलत उद्धव ठाकरेंनी प्रियंका चतुर्वेदींना दिली राज्यसभेची उमेदवारी