आरक्षणाच्या मागणीसाठी धनगर समाजाचा राज्यभरात एल्गार एसटी प्रवर्गाचे आरक्षण मिळावे, या मागणीसाठी धनगर समाजानं शुक्रवारी ढोल वाजवत आणि भंडाऱ्याची उधळण करत आंदोलनाचं रणशिंग फुंकलं आहे. राज्यभरात धनगर समाजाचा एल्गार पाहायला मिळत आहे. जिल्हाधिकारी कार्यालयासमोर 'ढोल बजाओ सरकार जगाओ' अशा घोषणा देत आंदोलन केले जात आहे. सोलापूर जिल्ह्यात ढोल बजाव आंदोलन करण्यात येत आहे. धनगरी ढोल वाजवत जिल्हाधिकारी कार्यालयावर मोर्चा काढण्यात आला. माळशिरस येथे सकाळी धनगर समाज बांधवांनी सरकारच्या विरोधात ढोल वाजवत आणि भंडाऱ्याची उधळण करत आंदोलनाला सुरूवात केली आहे. त्याप्रमाणे पंढरपुरात देखील धनगर समाज बांधवांनी आंदोलनाचे रणशिंग फुंकले आहे. धनगर समाजाला अनुसूचित जमातीचे प्रमाणपत्र मिळावे, यासाठी आज आमदार गोपीचंद पडळकर यांच्या नेतृत्वाखाली पंढरपूरमध्ये 'ढोल बजाव सरकार जगाओ आंदोलन' होत आहे. भंडाऱ्याची उधळण करत आणि धनगरी नृत्य करत सर्व धनगर बांधव या आंदोलनामध्ये सहभागी झाले आहेत....तर शरद पवार आणि उद्धव ठाकरेंच्या बंगल्यासमोर धनगरी ढोल वाजवणार#solapur @CMOMaharashtra @Dev_Fadnavis @gopichandrapadalkar pic.twitter.com/Z196AqIkTQ
— News18Lokmat (@News18lokmat) September 25, 2020
पंढरपूर येथे धनगर समाजाच्या आरक्षणासाठी ढोल बजावो आंदोलन स्थळी भाजपचे आमदार गोपीचंद पडळकर दाखल झाले आहेत. धनगर आरक्षणासाठी पंढरपूरातून धनगर बांधव जमू लागले आहेत. धनगरी ढोलचा आवाज पिवळ्याधमक भंडाऱ्याची उधळण आणि नृत्य असा सगळा माहोल पंढरपूरात दिसत आहे. जे आदिवासींना तेच धनगरांना दुसरीकडे, नाशिक जिल्ह्यातही आरक्षणाच्या मागणीसाठी धनगर समाज आक्रमक झाला आहे. जे आदिवासींना तेच धनगरांना, अशी घोषणा देत ढोलताशे धनगर समाजबांधव रस्त्यावर उतरला आहे. नांदगावला तहसील कार्यलायवर मोर्चा काढून 'डफली बजाव' आंदोलन करण्यात आलं. धनगर समाजाला आरक्षण देऊन तसा अध्यादेश काढण्यात यावा, या मागणीसाठी धनगर समाजाने आक्रमक भूमिका घेतली आहे. यावेळी तहसीलदाराना एक निवेदन ही देण्यात आले. हेही वाचा... नगरमध्ये राजकारणाला नवे वळण, सेनेनं घेतली माघार; राष्ट्रवादीने मारली बाजी 70 वर्षांपासून धनगर समाजाचा आरक्षणाचा प्रश्न रखडला बीडमध्ये धनगर आरक्षणाच्या मागणीसाठी माजलगाव तहसिल कार्यलयासमोर ढोल वाजवून सरकारला जाग करण्यासाठी अंदोलन करण्यात आले. या आंदोलनात शेकडो धनगर बांधव सहभागी झाले. 70 वर्षांपासून धनगर समाजाचा आरक्षणाचा प्रश्न रखडला, धनगड आणि धनगर या शब्दांमधील गोंधळामुळे आरक्षणाचा वनवास सुरू तो संपवा, अशी मागणी करत सरकार विरोधात घोषणाबाजी करण्यात आली. लवकरात लवकर प्रश्न सोडवला नाही तर यापेक्षा तीव्र आंदोलन करू, असा इशारा धनगर साम्राज्य सेना आणि जय मल्हार सेनेच्या आंदोलकांनी दिला आहे.रणशिंग फुंकलं...भाजपचे आमदार गोपीचंद पडळकरांसह धनगर बांधव भंडाऱ्याची उधळण करत आणि धनगरी नृत्य करत आंदोलनामध्ये सहभागी...@CMOMaharashtra @Dev_Fadnavis @PawarSpeaks pic.twitter.com/jgwAnez3gd
— News18Lokmat (@News18lokmat) September 25, 2020
मराठी बातम्या, ब्रेकिंग न्यूज मराठीत सर्वात आधी News18 लोकमतवर. आजच्या ताज्या बातम्या, लाइव्ह न्यूज अपडेट, सर्वात आधी वाचा विश्वासार्ह मराठी न्यूज वेबसाइट News18 लोकमतवर.
Tags: Pandharpur, Solapur