भयंकर! ऑर्डर कॅन्सल केली म्हणून चढला पारा; Zomato च्या डिलिव्हरी बॉयने महिलेसोबत काय केलं पाहा VIDEO

भयंकर! ऑर्डर कॅन्सल केली म्हणून चढला पारा; Zomato च्या डिलिव्हरी बॉयने महिलेसोबत काय केलं पाहा VIDEO

ऑर्डर कॅन्सल केल्याने झोमॅटोच्या डिलिव्हरी बॉईजनं (zomato delivery boy) नेमकं काय केलं, हे या महिलेच्या तोंडूनच ऐका.

  • Share this:

बंगळुरू, 10 मार्च : भूक लागली असेल पण घरी काहीतरी बनवायचा कंटाळा, बाहेर हॉटेलमध्ये जायचाही कंटाळा आला किंवा काही बनवण्यासाठी वेळ नसेल किंवा घरात तसं कुणी बनवणारं नसेल तर ऑनलाइन फूड ऑर्डर करणं हा आपल्यासाठी एकमेव मार्ग. पण जर वेळेत ऑर्डर मिळाली नाही किंवा चुकीच्या ठिकाणी पोहोचली तर आपण थेट ऑर्डर कॅन्सलही करतो. अशीच ऑर्डर कॅन्सल करणाऱ्या महिलेसोबत (woman cancel zomato's orders) झोमॅटोच्या डिलिव्हरी बॉईजनं (zomato delivery boy) जे केलं ते पाहून तुम्हालाही धक्का बसेल.

झोमॅटोची डिलिव्हरी ऑर्डर कॅन्सल करणाऱ्या एका महिलेचा व्हिडीओ सध्या सोशल मीडियावर व्हायरल होतो आहे. ऑर्डर कॅन्सल करणाऱ्या या महिलेसोबत डिलिव्हरी बॉयनं असं काही केलं ज्याची कल्पनाही तुम्ही केली नसेल. या महिलेनं आपल्या सोशल मीडियावर आपला व्हिडीओ शेअर केला आहे. ज्यामध्ये तिनं आपल्यासोबत नेमकं काय घडलं ते सांगितलं आहे.

महिलेनं सांगितलं तिनं झोमॅटोवरून फूड ऑर्डर केलं होतं.  तिनं कंपनीच्या कस्टमर केअरला फोन केला आणि वेळेत फूड न मिळाल्यानं डिलिव्हरी ऑर्डर कॅन्सल केली. कस्टमर केअरशी बोलल्यानंतर काही वेळात डिलिव्हरी बॉय तिथं आला.  काही वेळानं डिलिव्हरी बॉय फूड घेऊन घरी पोहोचला.  महिलेनं पार्सल घेण्यास नकार दिला.

हे वाचा - एकमेकींच्या झिंझ्या उपटून जमिनीवर आपटलं, मॉलमध्ये शॉपिंगला गेलेल्या महिलांची WWF

त्यानंतर डिलिव्हरी बॉइज भडकला आणि महिलेसोबत वाद घालू लागला. रागातच जबरदस्ती तिच्या घरात घुसून त्याने टेबलवरपार्सल ठेवलं आणि तिच्या नाकावर जोरात मुक्का मारून निघून गेला. डिलिव्हरी बॉयनं महिलेला इतक्या जोरात मारलं की तिच्या नाकातून रक्त वाहू लागलं. तिला बोलणंही शक्य होत नव्हतं.  रुग्णालयात जाऊन तिनं स्वतःवर उपचार करून घेतले.  शिवाय याबाबत तिनं बंगळुरू पोलीस ठाण्यात तक्रारही दाखल केली. त्यांनी आरोपीला लवकरात लवकर पकडण्याचं आश्वासन दिलं आहे.

हे वाचा - 'बाईची जागा स्वयंपाकघरात!' म्हणणाऱ्या अमेरिकन ब्रँडचा खरपूस समाचार; मागितली माफी

दरम्यान झोमॅटो कंपनीनं महिलेची माफी मागितली आहे. तसंच महिलेला उपचारासाठी जी काही मदत लागेल ती करू आणि पोलीस तपासात सहकार्य करू असंही कंपनीनं सांगितलं. संबंधित डिलिव्हरी बॉयवर कठोर कारवाई करू आणि भविष्यात पुन्हा अशी घटना घडणार नाही, असं आश्वासनही कंपनीनं दिलं आहे.

Published by: Priya Lad
First published: March 10, 2021, 7:34 PM IST

ताज्या बातम्या