कोरोनाचा लहान मुलांवर वाईट परिणाम! NCEE सर्वेक्षणात धक्कादायक गोष्टी समोर, तुमच्याही मुलांसोबत असं होतं का?

मुंबई, 22 मार्च : कोरोना संसर्गाचे गंभीर परिणाम आता समोर येत आहेत. कोरोना महामारीमुळे (Corona Epidemic) बराच काळ शाळा बंद राहिल्याने मुलांच्या शिक्षणावर परिणाम झाला. ऑनलाइन वर्ग सुरू असले तरी त्याचा सकारात्मक परिणाम कमी होता. एका नवीन सर्वेक्षणातून असे समोर आले आहे की महामारीच्या काळात मुलांच्या वाचन आणि लिहिण्याच्या क्षमतेत कमालीची घट झाली आहे. नॅशनल कोलेशन ऑन एज्युकेशन इमर्जन्सी (National Collation ON Education Emergency) या संस्थेने हे सर्वेक्षण तामिळनाडू, कर्नाटक आणि तेलंगणा या तीन दक्षिणेकडील राज्यांमध्ये केले होते.

सर्वेक्षणात, 70 ते 80 टक्के पालकांनी कबूल केले की त्यांच्या मुलांच्या वाचन आणि लिहिण्याच्या क्षमतेवर महामारीच्या काळात परिणाम झाला आहे. ऑक्टोबर 2021 ते जानेवारी 2022 या कालावधीत 500 कुटुंबांचा समावेश करून हे सर्वेक्षण करण्यात आले. ही सर्व कुटुंबे अल्प उत्पन्न गटातील होती. ते म्हणतात, 'मुले मुळाक्षरे विसरली आहेत आणि त्याचवेळी शिकण्याची क्षमताही कमी झाली आहे.' ही मुलं परीक्षेसाठी तयार नसल्याचं सर्वेक्षणातून समोर आलं आहे. हे अंतर खूप मोठे आहे आणि ते भरून काढणे खूप कठीण आहे.

'कोरोना महामारी अजून संपलेली नाही, आता हा व्हेरिएंट वाढवणार चिंता' - तज्ज्ञ

विशेष लक्ष द्यावे लागेल

अभ्यासात असे म्हटले आहे की ज्या घरातील मुले शाळाबाह्य भाषा बोलतात, त्या घरातील मुले जास्त प्रभावित होतात. अशा परिस्थितीत या मुलांकडे विशेष लक्ष देण्याची गरज आहे. त्यांना दोन ग्रेड पुढे नेले तर अडचणी येतील.

मुलांच्या सवयींमध्ये बदल

त्याच वेळी, पालकांचे म्हणणे आहे की लॉकडाऊनच्या काळात मुलांच्या सवयींमध्ये खूप बदल झाला आहे. मुलांमध्ये एकाग्रता कमी होणे, मोबाईलचे व्यसन, शिस्तीचा अभाव, अभ्यासात रस नसणे, टीव्ही पाहण्याची सवय, मानसिक ताण, खाण्याच्या सवयीतील बदल, एकटेपणा या समस्या दिसून येत आहेत. आपल्या लहान मुलांनीही स्वच्छतेकडे लक्ष देणे सोडून दिल्याचे अनेक पालकांच्या निदर्शनास आले आहे.

खासगी शाळांची अवस्था तर आणखी वाईट

लॉकडाऊन दरम्यान कर्नाटकातील सरकारी शाळांमधील दोन तृतीयांशपेक्षा कमी विद्यार्थ्यांकडे सर्व पाठ्यपुस्तके होती. खासगी शाळांची परिस्थिती तर आणखी वाईट होती. खासगी शाळांच्या भरमसाठ फीमुळे अनेक मुलांनी ऑनलाइन शिक्षणही सोडले. त्याचबरोबर ऑनलाइन शिक्षणाबाबत पालकांमध्ये एकमत आहे की या माध्यमातून आपली मुले काहीच शिकली नाहीत. दरम्यान, सक्षम पालकांनीही ऑनलाइन अभ्यासाला पाठिंबा दिला.