)
नवी दिल्ली, 02 नोव्हेंबर : क्रिकेट आणि बॉलीवूड जगतातील सर्व स्टार्स त्यांच्या आरोग्य आणि फिटनेसबद्दल सतत चर्चेत असतात. लोक सहसा सेलिब्रिटींच्या आरोग्याच्या गुपितांबद्दल चर्चा करतात आणि मोठ्या संख्येने लोक त्यांचे अनुसरण करतात. स्टार खेळाडू विराट कोहलीसह अनेक सेलिब्रिटींनी खुलासा केला आहे की, ते घरीही ‘काळे पाणी’ (ब्लॅक वॉटर) पितात. अभिनेत्री अनुष्का शर्मा, मलायका अरोरा, श्रुती हासन आणि चित्रपट दिग्दर्शक करण जोहर यांनीही ब्लॅक वॉटर पित असल्याची कबुली दिली आहे. गेल्या काही काळापासून लोक या ब्लॅक वॉटरबद्दल खूप चर्चा करत आहेत. अनेकांना जाणून घ्यायचे आहे की, ब्लॅक वॉटर पिण्याचे काय फायदे आहेत. आज आम्ही तुम्हाला त्याचे आरोग्य फायदे सांगणार आहोत. काळे पाणी (ब्लॅक वॉटर) म्हणजे काय? सर्वप्रथम ब्लॅक वॉटर म्हणजे काय हे समजून घेण्याची गरज आहे. हेल्थलाइनच्या अहवालानुसार, ब्लॅक वॉटर हे अल्कलाइनवर (Alkaline Based Water) आधारित पाणी आहे, ज्याची पीएच पातळी सामान्य पिण्याच्या पाण्यापेक्षा जास्त आहे. असे मानले जाते की, ते पिल्याने शरीरातील एसिड न्यूट्रलाइज होते आणि आरोग्यासाठी अनेक फायदे आहेत. सामान्य पिण्याच्या पाण्याची pH पातळी 7 असते तर काळ्या पाण्याची pH पातळी 8-9 असते. त्यात अनेक खनिजे आणि अँटिऑक्सिडंट्स देखील असतात, त्यामुळेच ते साध्या पाण्यापेक्षा खास आहे. हे पाणी नैसर्गिक देखील आहे आणि इलेक्ट्रोलिसिस प्रक्रियेद्वारे देखील तयार केले जाते. Black Alkaline Water चे 5 आरोग्य फायदे - पचन सुधारते: ओन्ली माय हेल्थच्या रिपोर्टनुसार, हे काळे पाणी प्यायल्याने पचनक्रिया सुधारते. हे आतड्यात चांगल्या बॅक्टेरियाची वाढ करते, ज्यामुळे पचन सुधारते. अल्कधर्मी पाण्यामध्ये उच्च पीएच पातळी असते, ज्यामुळे शरीरात तयार होणारे अतिरिक्त अॅसिड निष्प्रभ होते आणि अॅसिडिटीच्या समस्येपासून आराम मिळतो. त्वचा गोरी बनवते: ब्लॅक वॉटर प्यायल्याने आपल्या त्वचेतील मेलेनिनचे प्रमाण कमी होते आणि त्वचेचा रंग उजळतो. काळे पाणी प्यायल्याने मुरुम आणि पिगमेंटेशनची समस्या दूर होऊ शकते. याचे सेवन केल्याने तुमची त्वचा डागरहित आणि चमकदार होऊ शकते.
रोगप्रतिकारशक्ती वाढवते: आपल्या शरीराला रोगांशी लढण्यासाठी मजबूत प्रतिकारशक्तीची आवश्यकता असते. कोविड-19 महामारीच्या काळातही प्रतिकारशक्ती हे सर्वात मोठे शस्त्र ठरले. काळे अल्कधर्मी पाणी आपली रोगप्रतिकारक शक्ती वाढवते. यामध्ये असलेले अँटीऑक्सिडंट अनेक समस्यांपासून संरक्षण करतात. प्रजनन समस्या : काळ्या पाण्यामध्ये उच्च पीएच पातळी असते, त्यामुळे ते शरीरात तयार होणारे ऍसिड निष्प्रभावी करते. यामुळे लोकांची प्रजनन क्षमता सुधारते आणि महिलांना गर्भधारणा करणे सोपे होते. अल्कधर्मी पाण्यामुळे प्रजनन आरोग्य सुधारते. हे वाचा - लग्नाशिवाय एकत्र राहणाऱ्या जोडप्यांना हे अधिकार माहितीच हवेत; येणार नाही अडचण वृद्धत्वविरोधी गुणधर्म : काळ्या पाण्यात खनिजे आणि अँटिऑक्सिडेंट असतात, असे मानले जाते. याचे सेवन केल्याने वृद्धापकाळाचा प्रभाव मध्यमवयीन आणि वृद्ध लोकांवर कमी दिसून येतो. अनेक सेलिब्रिटींना हे पाणी प्यायला आवडते कारण त्यात वृद्धत्वविरोधी गुणधर्म आहेत. ते प्यायल्याने तुम्ही दीर्घकाळ तरूण दिसू शकता. मात्र, याबाबत सर्वच तज्ज्ञांची वेगवेगळी मते आहेत. (सूचना : येथे दिलेली माहिती सामान्य वैद्यकीय माहितीवर आधारित आहे. न्यूज 18 लोकमत त्याची हमी देत नाही. अधिक माहितीसाठी वैद्यकीय तज्ज्ञांचा सल्ला घ्या.)
+6
फोटो
