सुती-कॉटन कपड्यांच्याबाबतीत या चुका सर्रास होतात; ब्रॅन्डेड असले तरीही लवकर खराब होतात

मुंबई, 25 एप्रिल : उन्हाळ्यात सुती कॉटनचे कपडे (Cotton Clothes) घालावेत असे तुम्ही लोकांकडून अनेकदा ऐकलं असेल. सुती कपडे फक्त उन्हाळ्यातच कम्फर्टेबल नाहीत तर दिसायलाही छान दिसतात. बाजारात अनेक प्रकारचे सुती कपडे (Varieties Of Cotton) उपलब्ध आहेत. कॉटनचे कपडे घालण्याचे शौकीन असलेले लोक ते खरेदी करतात, परंतु त्यांची योग्य काळजी न घेतल्यानं काही काळानंतर ते परिधान करण्यायोग्य राहत नाहीत. त्यामुळे त्यांची योग्य काळजी घेण्याच्या टिप्स जाणून (Summer Season Tips) घेऊया. सुती कपडे जास्त काळ वापरायचे असतील तर त्यांना योग्य प्रकारे धुणे, देखभाल करणे आणि इतर काही गोष्टींची काळजी घेणे आवश्यक असते. जाणून घेऊया सुती कपड्यांची योग्य काळजी घेण्याचे काही उपाय. -सुती कपडे धुण्याची योग्य पद्धत जेव्हा आपण बाजारातून सुती कपडे विकत घेतो तेव्हा या कपड्यांवरील लेबलवर ते कसे धुवायचे ते सांगितलेले असते. ज्या लोकांना 100 टक्के कॉटन घालायला आवडतं. त्या लोकांनी हे कपडे फक्त ड्राय क्लीन करून घ्यावेत. याशिवाय कपड्यांवरील लेबलवर ते धुण्यासाठी पाण्याचे योग्य तापमानही सांगितलेले असते. लेबलनुसार धुण्याची पद्धत ठेवली की कपडे दीर्घकाळ चांगले राहतात. - सुती कपडे कसे सुकवायचे बरेच लोक धुतल्यानंतर थेट सूर्यप्रकाशात कपडे वाळवतात, परंतु यामुळे कपडे लवकर खराब होतात. विशेषतः सुती कपडे धुतल्यानंतर थेट सूर्यप्रकाशात वाळवू नयेत. सुती कपडे धुतल्यानंतर सावलीत वाळवावेत. हे वाचा -  विवाहापूर्वी चाणक्यच्या या 5 गोष्टी ध्यानात ठेवा, आयुष्यात असेल आनंदी-आनंद -सुती कपडे इस्त्री करण्याची योग्य पद्धत आजकाल बाजारात अनेक प्रकारच्या उच्च तंत्रज्ञानाच्या इस्त्री उपलब्ध आहेत. वेगवेगळ्या प्रकारच्या कपड्यांना इस्त्री करण्यासाठी वेगवेगळे मोड दिले जातात. कॉटनच्या कपड्यांना साध्या इस्त्रीने फेमिनाईज करत असाल तर तुम्हाला थोडी काळजी घ्यावी लागेल. सुती कपड्यांसाठी इस्त्री जास्त गरम करू नका, अन्यथा कपडे त्यात चिकटू शकतात. तसेच, इस्त्री करताना त्यांना हलके ओले ठेवणे चांगले होईल. हे वाचा -  फिट-निरोगी राहण्यासाठी जास्त पैसे देण्याची नाही गरज; हा घ्या लो बजेट हेल्दी डाएट - सुती कपडे ठेवताना काही लोक इतर कपड्यांप्रमाणेच त्यांचे सुती कपडे वॉर्डरोबमध्ये ठेवतात. पण असे केल्याने सुती कपडे पुढच्या वेळी घालायला नीट दिसत नाहीत. इस्त्री केल्यानंतर वर्तमानपत्रात गुंडाळून कपाटात ठेवू शकता. असे केल्याने ते अधिक चांगले राहतात.

• Follow us on