'मौन' म्हणजे नात्यात आलेला व्हायरस, वेळीच वागणं बदललं नाही तर कायमचं तुटू शकतं नातं

मुंबई, 4 फेब्रुवारी : अनेक वेळा नात्यातील वादामुळे लोक मौन बाळगतात आणि एकत्र बसून आपले विचार किंवा भावना शेअर करत नाहीत. पण नात्यातील तुमचे हे मौन विषासारखे काम करू शकते. रिलेशनशिप थेरपिस्ट ल्युसिल शॅकलटन म्हणतात की, तुम्ही भलेही वाद टाळण्यासाठी बोलत नसाल, पण तुमचे मौन नातेसंबंध विष कालावण्याचे काम करते. मात्र अशा परिस्थितीत कपल्सने आपले मुद्दे एकमेकांसमोर मांडण्यासाठी वेळ काढणे खूप महत्वाचे आहे.

आपल्या सोशल मीडियावर याबाबत माहिती देताना शॅकल्टन म्हणाल्या, जर तुम्ही लवकरात लवकर नात्यातील मौन सोडले नाही तर पुढे मोठा संघर्ष निर्माण होऊ शकतो. नात्यातील हे मौन का धोकादायक असू शकते.

Love story : ड्रायव्हरने गिअर टाकताच तरुणीच्या काळजात धडधडलं; लग्न करून त्याला घरजावईच बनवलं

नात्यात मौन बाळगण्याचे दुष्परिणाम

- जर तुम्ही एकमेकांशी बोलत नसाल तर ते तुमच्या जोडीदाराला शिक्षा देण्यासारखे आहे. त्यांचा मानसिक छळ करण्यासारखे आहे.

- मौन बाळगल्याने प्रश्न सुटत नाही. अशा परिस्थितीत तुम्ही एकांतात बसून एकमेकांशी बोललं पाहिजे आणि एकमेकांचा दृष्टिकोन समजून घेण्याचा प्रयत्न केला पाहिजे.

- जर तुम्ही तुमच्या मुद्द्याबद्दल मौन बाळगत असाल आणि तुम्हाला वाटत असेल की तुमचा पार्टनर सर्वकाही आपोआप घेईल तर तो तुमचा गैरसमज आहे. शांत राहिल्याने आपल्या भावना इतरांना समजणे अशक्य होते.

- जर तुम्ही असे अनेक दिवस करत राहिलात तर याचा त्रास जेवढा तुम्हाला होईल तितकाच तुमच्या पार्टनरलादेखील होईल.

- तुम्हाला गप्प बसायचे आहे आणि हा संदेश द्यायचा आहे की संभाषणाचा काही उपयोग नाही. हा मेसेज देणे तुमच्या नात्यासाठी धोकादायक ठरू शकते.

- असे केल्याने, तुम्ही नेहमी काळजीत राहाल आणि तुमच्या नात्याबद्दल विचार करत असाल. याचा परिणाम तुमच्या कामावरही होऊ शकतो.

- जास्त काळ मौन बाळगल्याने असे दिसते की आपल्याला उपाय नको आहे परंतु प्रक्रियेत राहायचे आहे.

- तुमच्या अशा वागण्यावरून असं वाटतं की तुम्ही एकटेच आहात. कारण नातं टिकवण्यासाठी सर्व प्रयत्न तुमच्या जोडीदारालाच करावे लागतात आणि तुम्ही त्यावर कोणतीही प्रतिक्रिया व्यक्त करत नाही.

View this post on Instagram

A post shared by Lucille Shackleton 🏳️‍🌈 (@centredselftherapy)

(सूचना : या लेखात दिलेली माहिती आणि सूचना सामान्य माहितीवर आधारित आहेत. News 18 Marathi यांना दुजोरा देत नाही. यांची अंमलबजावणी करण्याआधी संबंधित तज्ज्ञाशी संपर्क करा.)