• Home
  • »
  • News
  • »
  • lifestyle
  • »
  • महिलांनाही झोपेत Orgasm चं उत्तेजन जाणवतं? जाणून घ्या त्यामागचं कारण

महिलांनाही झोपेत Orgasm चं उत्तेजन जाणवतं? जाणून घ्या त्यामागचं कारण

आजही अनेक स्त्रिया सेक्सबाबत कोणतीही समस्या असली तरी मोकळेपणाने बोलत नाहीत. सेक्स ही नैसर्गिक गरज आहे.

  • Share this:
नवी दिल्ली, 29 ऑक्टोबर: आपल्या भारतीय समाजात (Indian Society) सेक्स (Sex),लैंगिक विषय यावर जाहीरपणे बोलण्यास मान्यता नाही. पूर्वापार चालत आलेल्या या समजुतींच्या जोखडातून अलीकडच्या आधुनिक काळात काही प्रमाणात सुटका झाली असली तरी आजही सेक्सबाबत खुलेपणाने चर्चा होण्याचे प्रमाण कमी आहे. लोक सेक्सविषयक गुप्तपणे वाचतात, परंतु ते या विषयावर बोलत नाहीत. त्यातही स्त्रियांनी (Woman) या विषयाबाबत मोकळेपणाने बोलणे म्हणजे जणू पापच समजलं जातं. त्यामुळे आजही अनेक स्त्रिया सेक्सबाबत कोणतीही समस्या असली तरी मोकळेपणाने बोलत नाहीत. सेक्स ही नैसर्गिक गरज आहे. पुरुषांप्रमाणेच ती स्त्रीलाही असतेच. पुरुषांना जसे झोपेत सेक्ससंबंधी विचारांमुळे उत्तेजना जाणवते तसंच स्त्रीलाही झोपेत ऑरगॅझम (Orgasm) म्हणजे झोपेतही सेक्सची उत्तेजना जाणवते; पण असं होणं म्हणजे चुकीचं मानलं जातं. समाजाच्या अशा मानसिकतेमुळे स्त्रियांमध्ये अपराधीपणाची भावना निर्माण होते. हे अत्यंत नैसर्गिक असून, यामागे शास्त्रीय कारणं आहेत. मात्र त्याची माहिती नसल्याने स्त्रिया स्वतः ला दोषी ठरवतात. नवभारत टाईम्सने याबाबतचं वृत्त दिलं आहे. हेही वाचा-  दिवाळीत Beautiful दिसायचं आहे? एथनिक लूक हवाय?, मग नक्की या अ‍ॅक्सेसरीजचा करा वापर
 स्त्रियांमध्ये झोपेत (Sleep) ऑरगॅझम होण्यामागे विविध कारणं आहेत. झोपेच्या रॅपिड आय मूव्हमेंट (REM) टप्प्यात लैंगिकदृष्ट्या उत्तेजित करणाऱ्या स्वप्नांमुळे (Dreams) ऑरगॅझमचा अनुभव येऊ शकतो. यावेळी स्त्रियांच्या योनिभागात रक्त प्रवाह वाढतो आणि मेंदू (Brain) झोपेसाठी तयार असतो. त्यामुळे बर्‍याच स्त्रिया उठल्यानंतरही उत्तेजित होतात किंवा झोपेतून उठल्यानंतर लगेचच ऑरगॅझमचा अनुभव घेतात. हे पूर्णपणे सामान्य आहे. तणावपूर्ण परिस्थितीतून जातानाही स्त्रियांना असा अनुभव येतो. अधिक चिंता किंवा उत्तेजक स्थितीतही झोपेदरम्यान ऑरगॅझमला चालना मिळते. वैज्ञानिक संशोधनानुसार, सुमारे 37 टक्के स्त्रिया 45 वर्षांच्या वयापर्यंत झोपेत ऑरगॅझमचा अनुभव घेतात. वयानुसार हे प्रमाण वाढतं. ज्या लोकांना झोपेत ऑरगॅझमची सवय आहे, ते वर्षातून तीन किंवा चार वेळा असा अनुभव घेतात.
हेही वाचा-  2 बायकांची हौस पुरवता पुरवता नवऱ्याचे झाले हाल; अखेर उचचलं धक्कादायक पाऊल
 पोटावर झोपल्यानं अधिक प्रमाणात निर्माण होणाऱ्या क्लिटोरलमुळे ही भावना उद्दिपित होते. उत्तेजित स्वप्नांशी त्याचा संबंध असतो. तुम्हाला काही काळासाठी अशी उत्तेजना मिळालेली नसेल आणि तुम्ही थकला असाल तर तुम्हाला ऑरगॅझम होण्याची शक्यता जास्त असते.
सेक्सबद्दल सकारात्मक दृष्टिकोन विकसित करण्यासाठी झोपेतील ऑरगॅझमची मदत होते. उत्तेजना वाढवण्यासाठी स्त्रिया झोपण्यापूर्वी आपल्या स्तनाग्रांना (Nipples) स्पर्श करून स्वत:ला उत्तेजित करू शकतात आणि झोप लागल्यानंतर ऑरगॅझमचा अनुभव घेऊ शकतात.
Published by:Pooja Vichare
First published: