Home /News /lifestyle /

कोरोना संसर्गानंतर केसगळतीने हैराण; ऋजुता दिवेकर यांनी सांगितला उपाय

कोरोना संसर्गानंतर केसगळतीने हैराण; ऋजुता दिवेकर यांनी सांगितला उपाय

केसगळती रोखण्याचे उपाय.

केसगळती रोखण्याचे उपाय.

कोरोनानंतर होणाऱ्या केसगळतीचं आता नो टेन्शन.

मुंबई, 07 ऑगस्ट : कोरोनाचा (Coronavirus) संसर्ग झाल्यानंतर रुग्णाच्या प्रकृतीनुसार अनेक शारीरिक समस्या (Post covid complication) निर्माण होत असल्याचे पाहायला मिळत आहे. कोरोनातून रुग्ण बरा झाला तरी काही समस्या दीर्घकाळ जाणवत असल्याचं देखील पाहायला मिळत आहे. त्यामुळे अशा रुग्णांना बराच काळ उपचार आणि वैदयकीय सल्ला घ्यावा लागत आहे. सध्या कोरोनातून बरे झालेल्या रुग्णांमध्ये एक नवीनच समस्या दिसून येत आहे. या रुग्णांना केस गळतीला (Post covid Hair Fall) सामोरं जावं लागत आहे. कोरोनातून बरं झाल्यानंतर होणारी केस गळती (Hair Fall) रोखण्यासाठी काय करावं (Hair Fall Treatment), काय टाळावं आणि आहारात कोणत्या पदार्थांचा समावेश करावा याविषयी प्रसिद्ध आहारतज्ज्ञ ऋजुता दिवेकर (Dietitian Rujuta Diwekar) यांनी व्हिडीओ काही टीप्स दिल्या आहेत.
बॉलिवूडमधील (Bollywood) अनेक सेलिब्रिटी (Celebrity) सुडौल बांधा, आरोग्यासाठी नेमका आहार कसा आणि कोणता असावा, याविषयीचा सल्ला प्रख्यात डाएटीशियन ऋजुता दिवेकर यांच्याकडून सातत्याने घेत असतात. त्यात बॉलिवूड अभिनेत्री करिना कपूरचा (Actress Kareena Kapoor) समावेश आहे. करिनाच्या डाएटीशियन अशीही ऋजुता यांची ओळख आहे. हे वाचा - कोरोनामुक्त रुग्णाला नीट चालता-बोलता येईना; मेंदूत जे सापडलं ते पाहून डॉक्टर शॉक ऋजुता दिवेकर यांची केवळ सेलिब्रिटी डाएटीशियन अशी ओळख नसून, त्या व्यायाम, आहार- विहाराविषयी सोशल मीडियाच्या माध्यमातून मार्गदर्शन करत असतात. कोरोना होऊन गेलेल्या रुग्णांमध्ये केस गळतीची समस्या दिसत आहे. यावर ऋजुता दिवेकर यांनी एक व्हिडीओ शेअर करत काही मार्गदर्शक टिप्स दिल्या आहेत. केस गळती थांबण्यासाठी कोणत्या गोष्टी टाळाव्यात याविषयी ऋजुता यांनी सांगितलं, दररोजचा नाश्ता (Breakfast) टाळू नये. वेळेवर झोपणं आणि दैनंदिन आहारातून भात (Rice) वगळू नये. यामुळे तुमच्या केसांचं पोषण होऊन केस गळती थांबेल. हे वाचा - सणासुदीला गावाबाहेर जायचा प्लॅन करण्यापूर्वी जाणून घ्या नवे नियम ऋजुता दिवेकर यांनी सांगितले, की कोरोनामुळे केस गळतीची समस्या जाणवत असेल तर ती सोडवण्यासाठी 3 गोष्टींचा अवलंब करावा. केस गळती थांबवण्यासाठी दररोज नाश्त्या दह्याचा समावेश करावा. ऑलिव्हचे लाडू खावे. तसंच दररोजच्या जेवणात डाळ, भात आणि तुपाचा समावेश करावा. तसेच जेवणात पनीरचे पराठे असावेत. कोणत्याही परिस्थितीत नाश्ता टाळू नये.
First published:

Tags: Coronavirus, Health, Health Tips, Lifestyle, Woman hair

पुढील बातम्या