कोरोनामुळे प्रत्येकजण आहे हैराण, असा पसरतो शरीरात आणि घेतो रुग्णाचा जीव

मुंबई, 04 मार्च : कोरोनाव्हायरस या प्राणघातक रोगाने संपूर्ण जगाला हादरवून सोडलं आहे. चीन, इराण, दक्षिण कोरियासह जगातील सुमारे 60 देशांमध्ये हा आजार पसरला आहे. 3 हजाराहून अधिक लोकांनी यामध्ये आपला जीव गमावला आहे. कोरोना विषाणू हळूहळू भारताच्या राजधानीत पसरू लागला आहे. आतापर्यंत देशात 6 जणांना कोरोना झाल्याची नोंद झाली आहे, ज्यामुळे लोकांमधली भीती वाढली आहे.

अशा परिस्थितीत, हा धोकादायक कोरोनाव्हायरस अखेर निरोगी माणसाचं शरीर कसं तोडतो आणि शेवटी रुग्णाचा कसा मृत्यू होतो हे जाणून घेणं महत्त्वाचं आहे. जेव्हा तुम्ही कोरोना व्हायरस झालेल्या एखाद्याशी संपर्कात असाल तेव्हाच हा विषाणू आपल्या शरीरात प्रवेश करतो.

कोरोना विषाणूमुळे ग्रस्त बहुतेक रूग्णांमध्ये असं दिसून आलं आहे की, या लोकांना तीव्र श्वसन त्रास झाला आहे. अशा परिस्थितीत फुफ्फुसांमध्ये एक प्रकारचा द्रव भरला जातो आणि त्यात ऑक्सिजन पोहोचत नाही आणि शेवटी मूत्रपिंडाच्या विफलतेमुळे ती व्यक्ती मरते. जे आधीपासूनच शारीरिक दुर्बल आहेत त्यांच्यासाठी हा विषाणू अधिक धोकादायक आहे. व्हायरस विषयी, डॉक्टर म्हणतात की, वृद्ध लोकांसाठी हा व्हायरस अधिक धोकादायक आहे.

कोरोना झालेल्या प्रत्येक व्यक्तीला सामान्य सर्दी खोकला, घसा खवखवणं सुरू होतं, नंतर नाक वाहू लागतं, ज्यामुळे सर्दी होते. या व्यतिरिक्त ताप आणि डोकेदुखीची तक्रार देखील कायम राहते आणि शरीराला आराम मिळत नाही. कफ सुरू होताच कफ डोक्यात आणि संपूर्ण शरीरात पसरू लागतो आणि ही सर्व लक्षणं एकाच वेळी दिसू लागतात.

संबंधित - कोरोनाचा संसर्ग झाल्याच्या संशयातून लष्करी अधिकारी रुग्णालयात

घशात दुखल्यामुळे आवाज स्थिर होतो. खूप ताप येणं सुरू होतं. कोरोना विषाणूबद्दल अजून काही माहिती मिळालेली नसली तरी, वृद्ध आणि मधुमेह, हृदयरोगी रुग्ण किंवा आधीच आजारी असलेल्या लोकांमध्ये कोराना विषाणूची लक्षणं पटकन होते. चीनमध्ये हा विषाणू सुरू झाला आहे, त्यात मृतांची संख्या वाढून 2943 झाली आहे. तर पुष्टी झालेल्या रुग्णांची संख्या 80151पर्यंत पोहोचली आहे. चीनी आरोग्य अधिका-यांनी चीनमध्ये कोरोना विषाणूच्या संसर्गाची 125 पुष्टी झालेल्या आणि 31 मृत्यूची नोंद केली आहे.

दुसरीकडे, दिल्लीला लागून असलेल्या नोएडामध्ये विषाणूचा फैलाव होण्याची शक्यता लक्षात घेता सेक्टर 135 मधील श्रीराम मिलेनियम स्कूलने मंगळवारी आपला परिसर दोन दिवस बंद ठेवण्याचा निर्णय घेतला आणि वार्षिक परीक्षा पुढे ढकलल्या. कोरोना विषाणू शाळेतील एका विद्यार्थ्याच्या पालकामध्ये सकारात्मक आढळल्यानंतर सोमवारी शाळेनं असं पाऊल उचललं आहे. गौतम बुद्ध नगरचे मुख्य वैद्यकीय अधिकारी यांनी सांगितलं की, शाळेतील एकूण 40 विद्यार्थ्यांची विषाणूची चाचणी घेण्यात आली असून, त्यांना 28 दिवसांपासून अलिप्त ठेवलं गेलं आहे.

संबंधित - पिंक सिटीवर 'कोरोना'ची दहशत, जयपूरमध्ये आणखी एक रुग्ण सापडल्याने खळबळ

श्रीराम मिलेनियम स्कूलमध्ये शिकणार्‍या विद्यार्थ्याच्या घाबरलेल्या पालकांनी नाव न सांगता सांगितलं की, "आम्हाला सकाळी पालकांच्या व्हॉट्सअॅप ग्रुपवर याची माहिती मिळाली. सगळे खूप चिंताग्रस्तत आहे. आजची परीक्षा शाळा रद्द केली गेली आहे आणि शाळा आता साफसफाईसाठी बंद केली आहे.