)
मुंबई, 21 जून : योग शरीरासाठी किती चांगला आहे, हे तुम्हाला आधीच माहित असेल. आता केवळ भारतातच नव्हे तर जगातील इतर देशांमध्येही योगाचे महत्त्व समजू लागले आहे. जगभरात लोकांनी योग दिवस साजरा करण्यास सुरुवात केली आहे. मात्र प्रदेशातील काही शहरांमध्ये एक अतिशय विचित्र प्रकारचा योगा सध्या गाजत आहे, जो करण्यासाठी तेथील लोक खूप उत्सुक आहेत. याला बिअर योगा म्हणतात. आज आम्ही तुम्हाला त्याबद्दल सविस्तर माहिती देत आहोत. E Times ने दिलेल्या माहितीनुसार, अलिकडच्या काही वर्षांत योगा करण्याची एक अपारंपरिक पद्धत म्हणून बीअर योगा केला जात आहे. काही उत्साही लोकांमध्ये या योगाने आकर्षण मिळवले आहे. संपूर्ण भारतातील प्रमुख शहरांमध्ये, बिअर योगाचे वर्ग आणि इव्हेंट्स पॉप अप होत आहेत, ज्याअंतर्गत लोकांना काही विश्रांती आणि आनंदाचे अनोखे अनुभवायला मिळतात.
Yoga Day 2023: 2 हार्ट अटॅक, 1 अँजिओप्लास्टी तरीही योगा आणि प्राणायाममुळे 63 वर्षांचे आजोबा तरुणासारखे फिट Videoबिअर योगाचे फायदे - बिअर योगा म्हणजे योगासनांचा एक मनोरंजक पैलू आहे. बीअर योगा पारंपारिक योगास एक खेळकर आणि आनंदी वळण आणतो. - बिअर योगामध्ये तुम्हाला हलक्या फुलक्या योगासत्रामध्ये आराम करण्यास, मजा करण्यास आणि आनंद घेण्यास वाव मिळतो. - बिअर पिणे आणि योगा करणे या दोन आनंददायक अ‍ॅक्टिव्हिटी एकत्र केल्याने बिअर योगा तुमच्या आरोग्याला फायदेशीर ठरू शकतो. - योगादरम्यान सहभागींसोबत ड्रिंक करत योगा केल्याने आरामशीर आणि आनंददायक वातावरण तयार होते. तसेच समविचारी व्यक्तींशी नवीन मैत्री करण्याची एक संधी मिळते. - योगा तणाव-मुक्तीच्या फायद्यांसाठी प्रसिद्ध आहे. बिअरच्या सुखदायक गुणधर्मांसह एकत्रित केल्यावर बिअर योगामुळे विश्रांतीचा अनुभव पूर्णपणे नवीन स्तरावर नेला जातो. - बिअर योग तणावमुक्त राहण्याचा एक मजेदार मार्ग बनू शकतो. ज्यामुळे तुम्हाला जीवनातील आव्हानांना सामोरे जाण्यासाठी नवचैतन्य आणि तत्परता वाटते.
न्यूज एजन्सी एएफपीने अलीकडेच त्यांच्या ट्विटर अकाऊंटवर एक व्हिडिओ पोस्ट केला आहे, ज्यामध्ये काही लोक डेन्मार्कच्या कोपनहेगनमध्ये रस्त्याच्या कडेला बिअरसोबत योगा करताना दिसत आहेत. यामध्ये लोक एकत्र बिअर पितानाही दिसत आहेत. याला बीअर योग म्हटले जात आहे. व्हिडीओ शेअर करताना लिहिले होते, ‘कोपनहेगन हार्बरजवळ सुमारे 100 लोक जमले होते ज्यांनी एकत्र योग केला. दरम्यान, त्याने थंड बिअर पिऊन योगा केला. बीअर योगाचे हे वर्ग गेल्या ४ वर्षांपासून सुरू आहेत.’ योगा करणार्‍या लोकांमध्ये बिअर योगा हल्ली खूप लोकप्रिय झाला आहे. योगा करत असताना लोक हातात बिअरची कॅन धरून डंबेलप्रमाणे पुढे-मागे हलवत असतात. अॅन नावाच्या योगा इन्स्ट्रक्टरने सांगितले की, ‘या योगामध्ये फक्त कॉमन पोझ असतात, फक्त लोक त्यासोबत बिअर पितात. हे लोकांच्या मनोरंजनासाठी आहे.’
VIDEO: Around 100 people gather to perform yoga by the Copenhagen harbour - cans of crisp, cold, refreshing beer in hand. The booze-fuelled class has been open for four years, and appears popular with its practitioners. pic.twitter.com/zM2kAlM9jg
— AFP News Agency (@AFP) June 2, 2023
या बिअर योगाचे काही फायदे दिसत असले तरीही कोणत्याही प्रकारच्या व्यसनाला समर्थन करणे योग्य नाही. त्यामुळे कोणत्याही प्रकारची नवी पद्धत अवलंबण्यापूर्वी तज्ज्ञांचा सल्ला घ्यावा किंवा तज्ज्ञांच्या देखरेखीखालीच अशा अ‍ॅक्टिव्हिटी कराव्यात. (सूचना : या लेखात दिलेली माहिती आणि सूचना सामान्य माहितीवर आधारित आहेत. News 18 Marathi यांना दुजोरा देत नाही. यांची अंमलबजावणी करण्याआधी संबंधित तज्ज्ञाशी संपर्क करा.)
+6
फोटो
