)
बीजिंग, 11 एप्रिल : कोरोना ची सर्वात सुरुवातीची प्रकरणं चीनमध्येच आढळली होती. चीनमधून कोरोना जगभर पसरला. आता याच चीनमध्ये आणखी एका नव्या व्हायरस ने दहशत निर्माण केली आहे. पहिल्या रुग्णाचा मृत्यू झाल्याने खळबळ उडाली आहे. मुक्या जीवांमध्ये आढळणाऱ्या या व्हायरसने पहिल्यांदाच एका माणसाचा जीव घेतला आहे. चीनमध्ये एका नवीन विषाणूने कहर करायला सुरुवात केली आहे. येथे H3N8 नावाच्या बर्ड फ्लूच्या विषाणूमुळे एका व्यक्तीचा मृत्यू झाला. चीनी मीडिया रिपोर्ट्सनुसार, दक्षिण चीनच्या झोंगशान शहरातील 56 वर्षीय महिलेला H3N8 बर्ड फ्लूची लागण झाली आणि सोमवारी तिचा मृत्यू झाला. जागतिक आरोग्य संघटनेच्या म्हणण्यानुसार, H3N8 एव्हीयन इन्फ्लूएंझामुळे झालेला हा पहिला मानवी मृत्यू आहे. गेल्या वर्षी, मानवांमध्ये या संसर्गाची आणखी दोन प्रकरणे नोंदवली गेली.
आरोग्य संघटनेने सांगितले की, गंभीर निमोनियामुळे महिलेला रुग्णालयात दाखल करण्यात आले आणि नंतर तिचा मृत्यू झाला. काय आहे पार्किन्सन्स आजार? डॉक्टरांकडून जाणून घ्या याची लक्षणं आणि उपचार पद्धती तिला मायलोमा (कर्करोग) सह अनेक आरोग्य समस्या होत्या. आजारी पडण्यापूर्वी या महिलेला प्राण्यांच्या बाजारात जिवंत कोंबड्यांच्या संपर्का आली होती. त्या बाजारातून गोळा केलेल्या नमुन्यात H3 एव्हियन इन्फ्लूएंझा विषाणू आढळून आला, तर तिच्या घरी घेतलेले नमुने निगेटिव्ह आले आहेत. सिव्हियर एक्युट रेस्पिरेटरी इन्फेक्शन (SARI) पाळत ठेवण्याच्या प्रणालीद्वारे केस शोधण्यात आले. पण रुग्णाच्या जवळच्या संपर्कापैकी कोणालाही संसर्ग किंवा रोगाची लक्षणं आढळली नाहीत. H3N8 फ्लू विषाणू सामान्यत: फक्त पक्ष्यांमध्ये आढळतो, परंतु तो घोड्यांमध्येही आढळून आला आहे आणि कुत्र्यांना फ्लू होण्यास सक्षम असलेल्या दोन विषाणूंपैकी एक आहे. चीनमध्ये नोंदवलेले नवीन प्रकरण हे मानवांमध्ये संसर्गाचे फक्त तिसरे प्रकरण आहे आणि प्रौढ व्यक्तीला संसर्ग झाल्याचे पहिले प्रकरण आहे. या विषाणूमुळे पहिल्यांदाच एखाद्याचा मृत्यू झाला आहे. आश्चर्य! गेली 15 वर्षे प्रेग्नंट आहे महिला, एक-दोन नव्हे तर तब्बल 12 मुलं; कारणही विचित्र 2022 मध्ये, प्रथमच मानवांमध्ये H3N8 विषाणू पसरल्याची पुष्टी झाली. पूर्वीच्या संशोधकांचा असा विश्वास होता की विषाणूच्या पूर्वीच्या ताणामुळे 1889 ची महामारी उद्भवली असावी, ज्याला ‘एशियाटिक फ्लू’ किंवा ‘रशियन फ्लू’ असेही म्हणतात.
+6
फोटो
