'कुर्ता गुची वाला' फक्त अडीच लाख रुपये! साध्या देसी कुर्त्याची किंमत बघून बसला ना धक्का

दिल्ली , 5 जून : जगप्रसिद्ध इटालियन फॅशन ब्रॅन्ड गुची (GUCCI) नेहमीच त्यांच्या ब्रांडेड आणि महाग (Costly) कपड्यांसाठी चर्चेमध्ये असतो मात्र, यावेळी GUCCI फॅशन ब्रॅन्ड चर्चेमध्ये आलाय तो एका भारतीय आऊटफिटमुळे (Outfit). काही दिवसांपूर्वी एका ट्विटर (Twitter) युजरने गुचीच्या वेबसाइटवरून (Website) एका कुर्तीचा स्क्रीनशॉट घेऊन ट्विटरवर एक पोस्ट (Post) लिहिली. लक्झरी फॅशन हाऊस GUCCI (Luxury Fashion House GUCCI) भारतीय कुर्ती लाखामध्ये विकतो आहे. असं त्याच ट्विट होतं. हे ट्विट सगळीकडे व्हायरल (Viral) झालं. भारतामध्ये तर या ट्विटवर वेगवेगळ्या कमेंट यायला लागल्या.

कशी आहे ही कुर्ती?

ही कुर्ती फ्लोरल एम्ब्रोईडरी ऑर्गानिक लिनन कप्तान आहे. या वेबसाईटवर 3,500 अमेरिकन डॉलर (American Dollar) किंमत दाखवण्यात येतं आहे. म्हणजेच भारतीय चलनामध्ये (Indian Currency) 2 लाख 55 हजार 878 रुपये. या कुर्तीचा रंग बदामी आहे आणि गळ्या भोवती वेगवेगळ्या कलरने फुलांची एम्ब्रॉयडरी केलेली आहे. तर,त्यावर टॅसल्सही आहेत. शॉपिंगसाठी GUCCI कडून EMI चा पर्यायही देण्यात येतोय.

('आमच्याकडे नाही, अमेरिकेतच शोधा', कोरोनाच्या उगमावरून चीनच्या उलट्या बोंबा)

ट्विटरवरून टीका

ट्विटरवर GUCCI फॅशन ब्रॅन्डवर टिका करण्यात येत आहे. ही कुर्ती भारतीय कुर्ती प्रमाणेच दिसते. त्यामुळे यात वेगळं असं काय आहे ज्यामुळे एकढी किंमत लावली आहे ? असं विचारलं जात आहे. अद्याप  GUCCI ने याची दखल घेतलेली नाही. एका ट्विटर युजरने(Twitter users)लिहीलं आहे की, ही कुर्ती(Kaftan)100 ते 500 रुपयांमध्ये मिळते. मग इतकी महाग का विकताय?

Gucci selling an Indian kurta for 2.5 lakhs ? I'll get the same thing for 500 bucks 💀 pic.twitter.com/Opw2mO5xnV

— nalayak (@samisjobless) June 1, 2021

खरोखर चर्चेमध्ये आलेली ही कुर्ती अगदी भारतीय बाजारांमध्ये सहजपणे कमी किमतीमध्ये मिळणाऱ्या कुर्तीप्रमाणे दिसते आहे आणि त्यामुळेच एका ट्विटर युजरने वेबसाईटवरच्या कुर्तीचा स्क्रीनशॉट पोस्ट करत गुची अडीच लाखांमध्ये जी भारतीय कुर्ती विकत आहे ती मी दिल्लीच्या सरोजनी नगरमध्ये 500 रुपयात विकत घेऊ शकतो असं कॅप्शन दिलं.

(साडीत खुलून दिसलं मितालीचं सौंदर्य; पाहा अभिनेत्रीचा Traditional Look)

यानंतर ट्विटरवर अनेक गमतीदार ट्विट पडायला सुरुवात झालेली आहे. सरोजिनी नगर दिल्लीमधलं प्रसिद्ध मार्केट आहे जिथ अनेक ब्रॅन्डेड शोरूम आहेत. इथे रस्त्यावरही स्वस्तात खरेदी करता येते. या मार्केटमध्ये कपडे,चप्पल,डिझायनर ॲक्सेसरीज मिळतात. तेही कमी किमतीमध्ये त्यामुळेच GUCCI फॅशन ब्रॅन्डवर टीका होऊ लागली.

(इवल्याशा हातांनी भरभर कापतो भाजी; चिमुकल्या शेफचा VIDEO पाहून हैराण व्हाल)

GUCCI फॅशन ब्रॅन्ड

GUCCI इटली मधला प्रसिद्ध फॅशन ब्रँड आहे. इटली हे फॅशन हब म्हणून प्रसिद्ध आहे आणि इथल्या ब्रँडेड वस्तू लाखांच्या घरात विकल्या जातात. अनेक सेलिब्रेटी GUCCIचे ब्रॅन्डटे कपडे वापरतात. GUCCI चप्पल आणि लक्झरी प्रॉडक्ट बनवतो तर, कप्तान म्हणजेच कुर्ती ही आशिया खंडातल्या देशांमध्ये जास्त प्रमाणात वापरली जाते. भारतात अशा प्रकारचा कुर्ती 500 ते 1500 रुपयांमध्ये सहज मिळू शकते. मात्र GUCCI अडीच लाख रुपये किमतीला ही कुर्ती विकत असल्यामुळे ट्विटर युजर कंपनीवर टीका करत आहेत. मात्र GUCCI आणि वाद काही नवे नाहीत. 2018 साली GUCCI एका वादामुळेही चर्चेत आलेलं आहे. भारतीय संस्कृतीचा अपमान केल्याने त्यावेळी टीकाही करण्यात आली होती.