मराठी बातम्या /बातम्या /लाइफस्टाइल /

5G नेटवर्कमधून निघणाऱ्या रेडिएशनमुळे कॅन्सरचा धोका? अभ्यासात समोर आली ही बाब

5G नेटवर्कमधून निघणाऱ्या रेडिएशनमुळे कॅन्सरचा धोका? अभ्यासात समोर आली ही बाब

5 जी

5 जी

Do mobile phone increase cancer risk: दुसऱ्या, तिसऱ्या आणि चौथ्या जनरेशनच्या सेल फोनची वारंवारता 0.7 ते 2.7 GHz च्या श्रेणीत राहते. परंतु 5G नेटवर्कमध्ये ती 80 GHz पर्यंत पोहोचते. उच्च GHz कर्करोगाचा धोका वाढवेल असे सांगितले जात आहे.

पुढे वाचा ...
  • News18 Lokmat
  • Last Updated :
  • Lanja, India
  • Published by:  News18 Desk

नवी दिल्ली, 11 नोव्हेंबर : 5G नेटवर्क सुरू झाल्यामुळे आता त्याबद्दल बरेच वादही होत आहेत. 5G नेटवर्कमुळे कॅन्सरचा धोका अनेक पटींनी वाढेल, असा पर्यावरणवाद्यांचा दावा आहे. पण ते खरे आहे का? वास्तविक, 1990 च्या दशकात मोबाईल फोनचा वापर मोठ्या प्रमाणावर होऊ लागला. मोबाइल फोनच्या टॉवरमधून निघणाऱ्या रेडिओ फ्रिक्वेन्सीमुळे मेंदूचा कर्करोग होऊ शकतो, असे सांगण्यात आले. सेल फोनद्वारे उत्सर्जित होणाऱ्या रेडिओ लहरी इलेक्ट्रोमॅग्नेटिक स्पेक्ट्रमच्या कक्षेत असतात. दुसऱ्या, तिसऱ्या आणि चौथ्या जनरेशनच्या सेल फोनची वारंवारता 0.7 ते 2.7 GHz च्या श्रेणीत राहते. परंतु 5G नेटवर्कमध्ये ती 80 GHz पर्यंत पोहोचते. उच्च GHz कर्करोगाचा धोका वाढवेल असे सांगितले जात आहे.

WHO अभ्यासात कोणतेही पुरावे नाहीत -

मुंबईतील एका प्रसिद्ध रुग्णालयातील डॉ. डेलनाझ दाभर यांनी इंडियन एक्स्प्रेसच्या वृत्तात सांगितले की, हा वाद नेहमीच एक चर्चेचा मुद्दा राहिला आहे, परंतु मोबाईल फोनमधून निघणारे रेडिएशन म्हणजे नॉन-आयनीकरण रेडिओ लहरी, हे अगदी मायक्रोवेव्हमधून तरंग निघाल्यासारखे आहे. जेव्हा या मुद्द्यावरून गदारोळ झाला तेव्हा WHO ने 1996 मध्ये इलेक्ट्रिक आणि मॅग्नेटिक फील्ड्सवर एक पॅनेल स्थापन केले. तेव्हापासून अनेक संशोधने झाली. या संशोधनांमध्ये मोबाईल फोनमधून बाहेर पडणाऱ्या लहरी कर्करोगाला कारणीभूत ठरू शकतात का याचा शोध घेण्यात आला.

इंडियन जर्नल ऑफ ऑक्युपेशनल अँड एन्व्हायर्नमेंटल मेडिसिनमध्ये प्रकाशित 2016 च्या अभ्यासात असे म्हटले आहे की, मोबाइल फोनमुळे कर्करोग होतो हे सिद्ध करण्यासाठी, असा कोणताही पुरावा नाही. MSKC जर्नलमध्येही असाच दावा करण्यात आला होता.

हे वाचा - शरीरातील ऊर्जा कमी करतात ‘या’ 5 गोष्टी; लगेच रुटीनमध्ये करा बदल

पूर्णपणे बरोबर नाही -

फक्त यूकेमध्ये झालेल्या एका अभ्यासात असा दावा करण्यात आला आहे की, सेल फोन रेडिएशनमुळे ब्रेन ट्यूमर होऊ शकतो. याला ग्लिओब्लास्टोमा मल्टीफॉर्म म्हणतात. मात्र, हा अभ्यास देखील निश्चित परिणाम सिद्ध करू शकला नाही. डॉ डेलनाज डाभर म्हणाले की, कॅन्सरच्या वाढत्या संख्येला सेल्युलर फोनच्या वाढत्या वापराचे श्रेय देणे चुकीचे आहे. त्यांनी सांगितले की 5G नेटवर्कमुळे कर्करोग होतो हे पूर्णपणे सत्य नाही. कारण चुकीची जीवनशैली, व्यसनाधीनता, उच्च सूर्यप्रकाश, इतर अनेक विषाणूजन्य संसर्गामुळेही कर्करोग होऊ शकतो.

First published:

Tags: 5G, Mobile, Mobile Phone