)
मुंबई, 10 जानेवारी : महिलांमध्ये स्तनाचा कर्करोग म्हणजेच ब्रेस्ट कॅन्सर ही एक गंभीर समस्या आहे. स्तनाच्या कर्करोगाची अनेक प्रारंभिक चिन्हे आहेत. स्त्रिया बर्‍याच वेळा सामान्य गाठीलादेखील स्तनाच्या कर्करोगाचे लक्षण मानतात. स्तनामध्ये गाठ अनेक कारणांमुळे असू शकते. प्रत्येक प्रकारची गाठ कर्करोगाचे लक्षण असेलच असे नाही. पण जर तुम्हाला स्तनातील गाठ ओळखता येत नसेल तर तुम्ही काही खबरदारी घ्यायला हवी. महिलांनी वेळोवेळी त्यांच्या स्तनांचे आत्मपरीक्षण करावे. कोणताही विचित्र बदल दिसल्यास आरोग्य तज्ज्ञांचा सल्ला घ्यावा. टाईम्स ऑफ इंडियाच्या बातमीनुसार, प्रत्येक गाठ कर्करोगाचे कारण बनत नाही. म्हणून स्त्रियांनी कर्करोग नसलेली गाठ आणि कर्करोगाची गाठ यातील फरक जाणून घेणे खूप महत्त्वाचे आहे.
सर्व्हायकल कॅन्सर आहे महिलांच्या मृत्यूचे दुसरे प्रमुख कारण, गर्भाशय निरोगी ठेवण्यासाठी खा हे पदार्थस्तनाच्या कर्करोगाच्या गाठीची लक्षणे
स्तनाच्या कर्करोगाला उत्तेजन देणारी गाठ अनेकदा वेदनारहित असू शकतात. यामुळेच या प्रकारच्या गाठीमुळे होणारा कर्करोग दीर्घकाळानंतर आढळून येतो, ज्यामुळे उपचार करणे कठीण होते. स्तनाच्या कर्करोगाच्या गाठीची इतर लक्षणे खालीलप्रमाणे आहेत…
- गाठीच्या कडा बदलणे - गाठीचा वाढता जडपणा - स्तनाच्या वरच्या बाहेरील भागात गाठ - त्वचेखाली गाठ एकाच ठिकाणी असणे सुमारे 90 टक्के स्तनांच्या गाठी कर्करोगाच्या नसतात महिलांसाठी हे जाणून घेणे महत्त्वाचे आहे की, त्यांच्या स्तनामध्ये गाठ असल्यास ते कर्करोगाचे लक्षण नाही. याबाबत अजिबात काळजी करण्याची गरज नाही. सुमारे ९० टक्के स्तनांच्या गाठी कर्करोगाच्या नसतात. कधीकधी हे फायब्रोडेनोमा किंवा संसर्गामुळे देखील होते. कॅन्सर आणि नॉन-कॅन्सर गाठींमधील फरक स्तनाचा आकार कर्करोगाच्या गाठी फार कमी वेळात मोठ्या होतात आणि त्यामुळे स्तनाचा आकारही बदलू लागतो. दुसरीकडे कर्करोग नसलेल्या गुठळ्या सहसा खूप हळू वाढतात आणि स्तनाच्या आकारात कोणताही बदल घडवून आणत नाहीत. गाठीवर त्वचा कर्करोग नसलेल्या गाठीमध्ये वरची त्वचा सामान्य राहते. तर कर्करोगाच्या गाठीमध्ये स्तनाची वरची त्वचा बदलू लागते. रक्तवाहिन्यांमध्ये बदल होतो आणि त्याच वेळी वरच्या त्वचेचा रंग पिवळा आणि केशरी दिसू लागतो. स्तनाग्र म्हणजेच निप्पलमध्ये बदल कर्करोग नसलेली गाठ असताना निप्पलच्या आकारात कोणताही लक्षणीय बदल होत नाही. तर कर्करोगाच्या गाठीमध्ये निप्पलमध्ये बरेच बदल दिसून येतात.
हिवाळ्यातील टॉन्सिलच्या त्रासाकडे अजिबात दुर्लक्ष करू नका, बनू शकते कॅन्सरचे कारणहालचाल करणे सोपे कर्करोग नसलेली गाठ हलवता येते. गाठीच्या ठिकाणात थोडासा बदल होऊ शकतो. परंतु कर्करोगाची गाठ कठीण असते. ती हलवता येत नाही. ती एका जागी अडकून राहते. (सूचना : या लेखात दिलेली माहिती आणि सूचना सामान्य माहितीवर आधारित आहेत. News 18 Marathi यांना दुजोरा देत नाही. यांची अंमलबजावणी करण्याआधी संबंधित तज्ज्ञाशी संपर्क करा.)
+6
फोटो
